ПАНДЕМИЯИ COVID-19. Шумораи мубталоёни коронавирус дар Италия ба 100 ҳазор нафар наздик шуда, теъдоди умумии онҳо дар ҷаҳон ба беш аз 700 ҳазор нафар расид
ДУШАНБЕ, 30.03.2020 /АМИТ «Ховар»/. Ба ҳолати 30 март дар саросари ҷаҳон шумораи умумии гирифторони намуди нави коронавируси COVID-19 ба беш аз 722 ҳазор нафар расида, теъдоди беморони шифоёфта ва фавтида мутаносибан зиёда аз 33 ҳазор кас ва 151 ҳазор тан мебошад. Дар ин бора АМИТ «Ховар» бо истинод ба маълумоти Созмони умумиҷаҳонии тандурустӣ (СУТ) хабар медиҳад.
Дар ҷаҳон аз рӯи шумораи одамоне, ки ба ин вирус мубтало шудаанд, ИМА дар ҷои аввал қарор дорад. Теъдоди мубталоён дар Иёлоти Муттаҳида 142 178 нафарро ташкил медиҳад.
Италия дар ҷои дуюм буда, дар он то имрӯз 97 689 ҳолат ба қайд гирифта шудааст. Италия мамлакати аврупоиест, ки дар он шумораи фавти баланд аз коронавирус ба қайд гирифта шуда, он 10 779 нафарро ташкил медиҳад.
Чин аз рӯи шумораи сироятёфтагон дар ҷои сеюм қарор гирифта, дар он 81 470 нафар мубталои коронавирус шудаанд.
Шумораи зиёди сироятҳо ҳамчунин дар Испания — 80 110, Германия — 62 435, Франсия — 40 174, Эрон — 38 309, Британияи Кабир — 19 522, Швейтсария — 14 829, Нидерланд – 10 866, Белгия – 10 836, Кореяи Ҷанубӣ — 9 661, Туркия – 9 217, Австрия – 8 788 ва Канада – 6 320 ба қайд гирифта шудааст.
Ба даҳгонаи давлатҳое, ки дар онҳо теъдоди зиёди ҳолатҳои фавт ба қайд гирифта шудааст, Италия (10 779 нафар), Испания (6 803), Чин (3 304), Эрон (2 640), Франсия (2 606), ИМА (2 484), Британияи Кабир (1 228), Недерланд (771), Германия (541) ва Белгия (431) дохил мешаванд.
СУТ имрӯз дар бораи беш аз 195 кишвару ҳудуд ва ду киштии саёҳатии байналмилалии «Diamond Princess» ва «MS Zaandam», ки дар онҳо ҳолатҳои сироятёбӣ ба қайд гирифта шудаанд, гузориш медиҳад.
Ёдовар мешавем, ки 11 март СУТ хуруҷи COVID-19-ро пандемия эълон кард.
АКС аз AP / Alessandra Tarantino
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
