Шамшод Абдуллоев дар мусобиқаи гӯштин дар ноҳияи Рашт Шоҳҷоиза-мошини «Mercedes-Benz»-ро соҳиб гардид
ДУШАНБЕ, 30.03.2020. /АМИТ «Ховар»/. Бо ибтикори мақомоти иҷроияи ҳокимияти давлатӣ ва соҳибкорони ноҳияи Рашт ба ифтихори ҷашни Наврӯзи хуҷастапай дар ноҳия мусобиқаи гӯштини миллӣ бо шукӯҳу шаҳомати хосса баргузор гардид. Хурду бузург дар варзишгоҳи ноҳия ҷамъ омада, аз тамошои сабқатҳои ҷолиби гӯштингирӣ лаззат бурданд. Дар интиҳои мусобиқа паҳлавон Шамшод Абдуллоев дастболо шуда, соҳиби Шоҳҷоиза-мошини «Мерседес Бенз» гардид.
Дар ин бора шореҳи варзиш Муродалӣ Тешаев ба мухбири АМИТ «Ховар» хабар дод.
Мусобиқаи гӯштини миллӣ 29 март дар Варзишгоҳи марказии ноҳия доир шуд. Паҳлавонони шуҳратёр аз саросари мамлакат барои Шоҳҷоиза мубориза бурданд. Дар қатори ҷавонону калонсолон дар чорабинии гӯштини Раштонзамин ҳамчунин наврасон низ ҷалб шуда буданд. Дар марҳилаи муқаддамотии вазни мутлақ варзишгарони маъруф, аз қабили Шамшод Абдуллоев, Суҳроб Маҳмадиев, Комроншоҳи Устопириён ва Ҳамроз Раҷабов барои Шоҳҷоиза мубориза бурданд.
Комроншоҳи Устопирён дар рақобати якум бо Суҳроб Маҳмадиев сабқатро мусовӣ ба анҷом расонид. Ҳамчунин дар сабқати дуюм бо гӯштингири ноҳияи Рӯдакӣ ғалаба ба даст оварда натавонист. Барои Шоҳҷоиза- мошини сабукрави «Опел» паҳлавонони шинохтаи тоҷик Қандил Саидов аз ноҳияи Рашт бо Муҳаммадшариф Наҷмуддинов аз ноҳияи Файзобод байни ҳам сабқат карданд. Баъд аз қуввазмоиҳои шадид дар ин рақобат низ ғолиб муайян нашуд.
Ҳамчунин барои Шоҳҷоизаи дигар-мошини «Мерседес Бенз» гӯштингири мизбон — Шамшод Абдуллоев бо Суҳроб Маҳмадиев аз шаҳри Ваҳдат миёни ҳам қувва санҷиданд.
Дар натиҷа Шамшод Абдуллоев дастболо шуда, соҳиби Шоҳҷоиза-мошини «Мерседес Бенз» гардид.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
