Шурӯъ аз 17 март Иттиҳоди Аврупо ҳамаи сарҳадҳояшро баст

ДУШАНБЕ, 17.03.2020 /АМИТ «Ховар»/.  Иттиҳоди Аврупо аз сабаби авҷ гирифтани хуруҷи коронавирус шурӯъ аз 17 март ба муҳлати 30 рӯз ҳамаи сарҳадҳои иттиҳодро мебандад. Дар ин бора Президенти Франсия Эммануел Макрон зимни муроҷиати телевизионӣ ба мардум хабар дод, иттилоъ медиҳад АМИТ «Ховар» бо истинод ба ТАСС.

«Нисфирӯзии рӯзи душанбе, сарҳадҳои Иттиҳоди Аврупо ва минтақаи раводиди Шенген ба муҳлати 30 рӯз баста мешаванд. Дар ин муддат рафтуомад миёни дигар мамлакатҳо ва Иттиҳоди Аврупо боз дошта мешавад», — гуфт Макрон ва илова намуд, ки «ин қарори умумии қабулнамудаи лидерони аврупоӣ буда, субҳи имрӯз қабул гардид».

Макрон илова намуд, ки хатари коронавирус воқеият гардид.

Мо,- гуфт Президент, дар ҳолати ҷангӣ қарор дорем, душманро намебинем, вале он вуҷуд дорад ва ҳуҷум мекунад. Дар ҳамин ҳол Макрон аз шаҳрвандон даъват ба амал овард, ки дар хонаҳояшон истода, оромиро нигоҳ доранд.

Мавсуф афзуд, ки барои пешгирии ин беморӣ ҳукумат чораҳои заруриро муайян менамояд.

Президент огоҳ намуд, ки «барои ҳама намуд вайрон кардани қоидаҳо  ҷазо дода мешавад».

                                                                                              АКС: © Рейтерс/Phil