ҒАЛАБАИ «ИСТИҚЛОЛ»! Ин даста бори нуҳум аст, ки Суперҷоми Тоҷикистонро соҳиб мегардад
ДУШАНБЕ, 06.04.2020. /АМИТ «Ховар»/. Дастаи футболи «Истиқлол»-и шаҳри Душанбе дар бозӣ барои дарёфти Суперҷоми Тоҷикистон-2020 бар дастаи футболи «Хуҷанд»-и Хуҷанд бо ҳисоби 2:1 ғалаба карда, Суперҷоми Тоҷикистонро соҳиб гардид. Дар ин бора мухбири АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар ин бозии ҷолиб дастаи футболи «Истиқлол»-и шаҳри Душанбе тавонист тавассути зарбаҳои нишонраси Манучеҳр Ҷалилов ва Муҳаммадҷон Раҳимов ғалабаро таъмин намояд. Дар ҳайати дастаи «Хуҷанд»-и Хуҷанд легионери ӯзбекистонӣ Санҷар Ризхибоев голро ба ҳадаф расонид. Дар ин вохӯрӣ ҳамлагари дастаи футболи «Истиқлол»-и Душанбе Манучеҳр Ҷалилов беҳтарин бозингар дониста шуд.
Бозии мазкур байни ин дастаҳо 4 апрел дар Варзишгоҳи марказии шаҳри Душанбе бе ҳузури мухлисон доир гардида, дастаи футболи «Истиқлол»-и Душанбе маротибаи нуҳум Суперҷоми Тоҷикистонро сазовор шуд.
Ёдовар мешавем, ки дастаи «Истиқлол»-и Душанбе қаблан солҳои 2010, 2011, 2012, 2014, 2015, 2016, 2018 ва 2019 Суперҷоми Тоҷикистонро ба даст оварда буд.
Суперҷоми Тоҷикистон-2020
«Истиқлол» – «Хуҷанд» – 2:1
Голҳо: Санҷар Рихсибоев, 2 (0:1). Манучеҳр Ҷалилов, 78 (1:1). Муҳаммадҷон Раҳимов, 80 (2:1).
«Истиқлол» (Душанбе): Рустам Ятимов, Табрези Давлатмир, Зоир Ҷӯрабоев, Алексей Ларин, Марко Милич, Искандар Ҷалилов (Муҳаммадҷон Раҳимов, 58), Виктор Свежов, Эҳсони Панҷшанбе, Алишер Ҷалилов (Рустам Соиров, 76), Шериддин Бобоев (Вахит Оразсахедов, 58), Манучеҳр Ҷалилов.
«Хуҷанд» (Хуҷанд): Маъмур Икромов, Манучеҳр Сафаров, Комрон Мирзонажод, Бахтиёр Чориев (Муҳаммадшарифи Саидхоҷа, 76), Дилшод Бозоров, Ойбек Абдуғаффоров, Хуршед Бекназаров, Сироҷ Ҳамроев, Фирдавс Чақалов (Алишер Баротов, 76), Санҷар Рихсибоев (Фатҳулло Фатҳуллоев, 64), Абдулмуъмин Забиров (Андрей Сидиров, 84).
Огоҳӣ: Эҳсони Панҷшанбе («Истиқлол»), Фирдавс Чақалов, Рустам Хоҷаев («Хуҷанд»).
Беҳтарин бозингар: Манучеҳр Ҷалилов («Истиқлол»).
Нозири доварон: Раҳимҷон Шарипов (Душанбе).
Комиссари бозӣ: Беҳрӯз Зайниддинзода (Бохтар).
4 апрел. Душанбе. Варзишгоҳи марказии ҷумҳуриявӣ
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
