Бонувони волейболбози ВМБК дар Чемпионати Тоҷикистон мақоми аввалро соҳиб шуданд
ДУШАНБЕ, 25.04.2020. /АМИТ «Ховар»/. Аз 20 то 24 апрел дар шаҳри Душанбе Чемпионати Ҷумҳурии Тоҷикистон оид ба волейбол байни бонувонон баргузор гардид, ки дар он варзишгарони Вилояти Мухтори Кӯҳистони Бадахшон ҷойи якумро ишғол намуданд. Дар Чемпионати мазкур 7 даста бо ҳам рақобат намуда, дастаи Душанбе ҷойи дуюм ва дастаи вилояти Суғд сазовори ҷойи сеюм гардид. Дастаҳои ғолиб бо ҷом ва медалҳо сарфароз гардонида шуданд. Дар ин бора мухбири АМИТ «Ховар» хабар медиҳад.
Ёдовар мешавем, ки аз 19 то 25 июни соли 2019 бахшида ба 22-юмин солгарди Рӯзи Ваҳдати миллӣ дар шаҳри Душанбе байни бонувон Мусобиқаи кушод оид ба волейболи касбӣ барои дарёфти «Ҷоми пойтахт-2019» баргузор гардида буд. Дар даври финалӣ ду даста — волейболбозони ВМБК ва шаҳри Душанбе-1 байни ҳам рақобат намуданд. Дастаи волейболбозони ВМКБ бо ҳисоби 3:1 дастаи Душанбе-1-ро мағлуб карда, сазовори «Ҷоми пойтахт-2019» ва 20 ҳазор сомонӣ мукофот гардид.
Ҷои дуюм насиби дастаи Душанбе-1 гардид, ки онҳо соҳиби медали нуқра ва 15 ҳазор сомонӣ шуданд. Ҷои сеюмро дастаи дигари волейболбозони ВМБК бо шикаст додани дастаи Душанбе-2 ба даст оварда, сазовори медали биринҷӣ ва 10 ҳазор сомонӣ мукофот гардид.
Ба ғолибони мусобиқаи мазкур муовини раиси шаҳри Душанбе Мавсума Муинӣ Ҷом, медал ва мукофотҳои пулӣ тақдим намуд. Дар Мусобиқаи кушод оид ба волейболи касбӣ барои дарёфти «Ҷоми пойтахт-2019» масъулини Муассисаи давлатии раёсати кор бо мактабҳо ва иншооти варзишии Мақомоти иҷроияи ҳокимияти давлатии шаҳри Душанбе ва дигар сохторҳои марбута иштирок доштанд.
Дар мусобиқаи мазкур 11 дастаи волейболбозон, аз ҷумла 4 даста аз шаҳри Душанбе, 2-дастаӣ аз вилоятҳои Суғд, Хатлон ва ВМБК, 1 даста аз шаҳру ноҳияҳои тобеи марказ иштирок ва байни ҳам рақобат карданд.
Мусобиқа бо ташаббуси Мақомоти иҷроияи ҳокимияти давлатии шаҳри Душанбе ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади ба варзиш ҷалб намудани занону духтарон ва ташвиқи тарзи ҳаёти солим дар пойтахт роҳандозӣ гардида буд.
Паҳлавонони Тоҷикистон дар Мусобиқаи байналмилалии «Zagreb Grand Prix» оид ба гӯштини ҷудо иштирок менамоянд
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
