Дар Душанбе Мусобиқаи ҷумҳуриявӣ оид ба гӯштини юнону румӣ доир гардид

Апрель 16, 2020 09:20

ДУШАНБЕ, 16.04.2020. /АМИТ «Ховар»/. 14-15 апрел  дар шаҳри Душанбе Мусобиқаи ҷумҳуриявӣ оид ба гӯштини юнону румӣ доир гардид. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» хабар дод. Дар рӯзи дуюми Мусобиқаи ҷумҳуриявии гӯштини юнону румӣ, ки дар+ Маҷмааи варзишии Маркази ҷумҳуриявии тайёрии олимпии дастаҳои мунтахаб баргузор шуд, беҳтаринҳо дар вазнҳои 60, 67, 77, 87 ва 130 килограмм ба майдон баромаданд.

Пас аз чанд даври рақобатҳо иштирокчиёни марҳилаи финалӣ муайян гардида, беҳтаринҳо низ муайян шуданд. Аз ҷумла, дар вазни 60 кг нафаре, ки соҳиби медали тиллои Чемпионати Осиё ва ҷоизадори чемпионати ҷаҳон аст, тавонист дар камтарин фурсат рақиби худро шикаст дода, ба унвони навбатӣ даст ёбад. Дар умум рақобатҳои марҳилаи финалӣ бисёр пуршиддат сурат мегирифтанд. Аз ҷумла, варзишгарони гаронвазн низ дар маҳорат ва анҷоми усул чусту чолок ва мисли варзишгарони вазнҳои сабук ва миёна пурталош буданд.

Ҳамин тавр ҷоизадорони ҳамаи панҷ вазн дар рӯзи дуюми Чемпионати ҷумҳуриявӣ муайян гардида, аз сӯи масъулон ва собиқадорони ин намуд медалу ифтихорнома дарёфт намуданд.

Дар вазни 60 кг Фирӯз Мирзораҷабов ғолиб, Нодир Сангов ҷои дуюм, Ҷавоҳир Каримов ва Ҳотамбой Ҳабибов зинаи сеюмро соҳиб шуданд. Дар вазни 67 килограмм Алиҷон Ҷӯраев медали тилло, Муҳаммад Раҳимов медали нуқра ва Зокиров Ҷӯрабек, Сангов Шоҳрух медали биринҷӣ дарёфт карданд. Дар вазни 77 килограмм Ҷасур Аюбов ҷои якум, Абдуллоҷон Куганов ҷои дуюм, Фарҳод Шерматов ва Фаридун Юсупов мақоми сеюмро гирифтанд.

Ансор Муҳунов ва Акмал Одинаев ғолиби ҷои якум ва дуюм дар вазни 87 шуда, Равшанбек Самиев зинаи сеюмро ба худ ихтисос дод. Ниҳоят дар вазни 130 кг Абубакри Акобир медали тилло ва Хисрав Нарзуллоев медали нуқра гирифта, Абубакр Пулодов ва Хуршед Шавкатзода ҷоизадорони чемпионати мамлакат оид ба гӯштини юнону румӣ шуданд.

Апрель 16, 2020 09:20

Хабарҳои дигари ин бахш

ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд
Тоҷикистонро дар мусобиқаи «Antalya Grand Slam-2024» оид ба ҷудо 11 варзишгар муаррифӣ менамоянд