ФУТБОЛ: Чемпионати Тоҷикистон байни бонувон оғоз мешавад
ДУШАНБЕ, 15.04.2020. /АМИТ «Ховар»/. 14 апрел дар қароргоҳи Федератсияи футболи Тоҷикистон маросими қуръакашии Лигаи миллии бонувони Тоҷикистон баргузор шуд. Чун соли қаблӣ барои медалҳо 10 даста мубориза мебаранд. Дар ин бора мухбири АМИТ «Ховар» бо истинод ба Федератсияи футболи Тоҷикистон иттилоъ медиҳад.
Дар Чемпионати мазкур, ки 19 апрел оғоз мешавад, дастаҳои футболи «Зебонисо»-и Душанбе, «Регар-ТадАЗ»-и Турсунзода, «Хатлон»-и Бохтар, «Барқ»-и Норак, «Ҳосилот»-и Фархор, «Зебо»-и Дӯстӣ, «Чашма»-и Шаҳритус, «Равшан»-и Кӯлоб, «Бешкент»-и Носири Хусрав ва «Панҷшер»-и Ҷалолиддин Балхӣ байни ҳам сабқат мекунанд.
Чемпионати Тоҷикистон оид ба футбол миёни бонувон дар ду марҳила баргузор шуда, дастаҳо дар хона ва меҳмонӣ рақобат мекунанд. Ҳамаи дастаҳо 18 бозӣ анҷом медиҳанд.
Чемпионати Тоҷикистон-2020 миёни бонувон
Даври 1-ум
19 апрел (якшанбе)
«Зебонисо» – «Хатлон»
«Бешкент» – «Хосилот»
«Панҷшер» – «Чашма»
«Регар-ТадАЗ» – «Зебо»
«Равшан» – «Барқ»
Даври 2-юм
26 апрел (якшанбе)
«Хатлон» – «Барқ»
«Зебо» – «Равшан»
«Чашма» – «Регар-ТадАЗ»
«Ҳосилот» – «Панҷшер»
«Зебонисо» – «Бешкент»
Ёдовар мешавем, ки 12 ноябри соли 2019 дар варзишгоҳи «Пахтакор»-и шаҳри Бохтар маросими ҷоизасупорӣ ба ғолиби Чемпионати Тоҷикистон оид ба футбол байни дастаҳои бонувон баргузор гардида буд. Дар он дастаи футболи «Хатлон»-и шаҳри Бохтар дар ҷараёни чемпионати соли гузашта маҳорати баланд нишон дод. Дар натиҷа дар 16 бозӣ ғалаба карда, як бозиро мусовию як бозиро бо бохт анҷом дода, бо 49 имтиёз дар мавқеи аввали ҷадвали мусобиқа қарор гирифт. Дар он рӯз ба футболбоздухтарони даста медалҳои тилло ва Ҷоми чемпионат тақдим гардид.
Зинаҳои дуюм ва сеюмро дар мавсими соли гузашта дастаҳои футболи «Зебо»-и ноҳияи Дӯстӣ ва «Зебоннисо»-и шаҳри Душанбе ишғол намуда буданд.
Дар мусобиқаи соли гузашта дарвозабони беҳтарин Меҳрона Файзуллоева аз дастаи «Хатлон», нишонзани беҳтарин Меҳрангез Шарипова аз дастаи «Хатлон», бозингари беҳтарин Некубахт Худододова аз дастаи «Зебоннисо» ва мураббии беҳтарин Ашӯр Гадоев аз дастаи футболи «Хатлон» дониста шуданд. Аз тарафи Ташкилоти қарзии «Фурӯз» ба ғолибони лигаи бонувон туҳфаҳо супорида шуданд.
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
