ФУТБОЛ: дар даври аввали Чемпионати Тоҷикистон-2020 се бозӣ доир гардид

ДУШАНБЕ, 06.04.2020. /АМИТ «Ховар»/. 5  апрел  мавсими нави Чемпионати Тоҷикистон миёни дастаҳои Лигаи олӣ оғоз гардид. Дастаҳои нави Лигаи олӣ – «Локомотив-Помир»-и Душанбе  ва «Файзканд»-и ноҳияи Восеъ  дар Варзишгоҳи марказии ҷумҳуриявии шаҳри Душанбе бо ҳам рақобат карданд. Бозӣ байни ин дастаҳо  хеле ҷолиб сурат гирифта, бо ҳисоби  мусовӣ-  2:2   анҷом ёфт. Дар ин бора мухбири АМИТ «Ховар» бо истинод ба Федератсияи футболи Тоҷикистон иттилоъ медиҳад.

Дар вохӯрии дигар дастаи «Хатлон»-и Бохтар  бар дастаи  футболи  «Истаравшан»-и шаҳри Истарафшан бо ҳисоби 2:1 пирӯз шуд. Ҳамчунин   дидори дастаҳои  футболи «Кӯктош»-и ноҳияи  Рӯдакӣ  ва «Регар-ТадАЗ»-и  Турсунзода    бо ҳисоби мусовии   0:0  хотима  ёфт. Ду бозии дигари даври якуми Чемпионати Тоҷикистон 8 апрел доир мегарданд.

Дастаи футболи  «Хуҷанд»-и Хуҷанд  дар меҳмонӣ бо дастаи КМВА бозӣ мекунад, дастаи  «Душанбе-83»-и Душанбе дар Варзишгоҳи марказии шаҳри Ваҳдат дастаи футболи  «Истиқлол»-и шаҳри Душанберо мепазирад.

Чемпионати Тоҷикистон. Лигаи олӣ. 1-ум давр 

«Локомотив-Помир» – «Файзканд» – 2:2

Голҳо: Наврӯз Рустамов, 49 (0:1). Шаҳром Сулаймонов, 55 (1:1). Азизбек Ҳасанов, 71 (2:1). Азизҷон Зарипов, 72 (2:2).

5 апрел. Душанбе, Варзишгоҳи марказии ҷумҳуриявӣ

«Хатлон» – «Истаравшан» – 2:1

Голҳо: Илҳом Баротов, 10 (0:1). Парвиз Боқӣ-Охунов, 53 (1:1). Эҳсон Бобоев, 90+4 – аз пеналтӣ (2:1).

5 апрел. Ҷалолиддин Балхӣ. Варзишгоҳи ба номи Уктам Маматов.

«Куктош» – «Регар-ТадАЗ» – 0:0

5 апрел. Рӯдакӣ. Варзишгоҳи «Нефтяник».

8 апрел (чоршанбе)

Оғози бозӣ – соати 16:00

«Душанбе-83» – «Истиқлол»

Ваҳдат, Варзишгоҳи марказӣ

КМВА – «Хуҷанд»

Душанбе, Варзишгоҳи КМВА ВМ ҶТ