ОБУ ҲАВО: Имрӯз дар Тоҷикистон ҳавои тағйирёбанда дар назар аст

ДУШАНБЕ, 02.04.2020. /АМИТ «Ховар»/. Имрӯз дар ҷумҳурӣ ҳаво тағйирёбанда шуда, бориши нисбатан суст дар назар дошта шудааст. Дар ноҳияҳои кўҳӣ ва доманакўҳии ҷумҳурӣ хатари фаромадани сел дар назар буда, дар дарёҳо баландшавии сатҳи об пешгўӣ мешавад. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, бориши нисбатан суст дар назар дошта шудааст.  Шамол аз самти ғарб бо гузариш ба шарқ бо суръати 3-8 метр дар як сония мевазад. Ҳаво дар ғарби вилоят   шабона аз 1 дараҷа хунук то 4 дараҷа гарм ва рӯзона 11+16 дараҷа гарм  мешавад. Дар  шарқи вилоят  ҳаво шабона 9-14 дараҷа хунук ва рӯзона 2+7 дараҷа гарм мешавад.

Ҳаво дар вилояти Суғд   тағйирёбанда шуда, бориши нисбатан суст аз эҳтимол дур нест. Танҳо шабона дар ноҳияҳои алоҳидаи кӯҳӣ дар баъзе ҳолатҳо бориши сусти борон ва барфи тар ба амал меояд.  Шамол  аз самти  ғарб бо гузариш ба шарқ бо суръати 3-8 ва дар ноҳияҳои алоҳида бо шиддати то 10-15 метр дар як  сония мевазад. Ҳаво  дар водиҳо шабона 7+12 ва рӯзона 18+23 дараҷа гарм  мешавад. Дар ноҳияҳои кӯҳӣ ҳаво шабона аз 4 дараҷа хунук то 1 дараҷа гарм ва рӯзона 7+12 дараҷа гарм мешавад.

Дар вилояти Хатлон   ҳаво тағйирёбанда шуда, саҳар дар баъзе ҳолатҳо борон борида, раъду барқ ба амал меояд. Рӯзона ҳаво бебориш мешавад. Шамол аз самти ғарб бо гузариш ба шарқ бо суръати  3-8 метр дар як сония мевазад. Ҳаво дар водиҳо шабона 6+11 ва рӯзона 19+24 дараҷа гарм мешавад. Дар  доманакӯҳҳо ҳаво шабона 3+8 ва рӯзона 10+15 дараҷа гарм мешавад.

Дар шаҳру ноҳияҳои тобеи марказ ҳавои тағйирёбанда дар назар буда, саҳар дар баъзе ҳолатҳо дар ноҳияҳои алоҳида борон ва дар баландиҳои зиёда аз 2000 метр барф меборад.  Рӯзона эҳтимол аст бориши нисбатан суст ба амал ояд. Шамол аз самти ғарб бо гузариш ба шарқ бо суръати 3-8 метр дар як сония  мевазад.  Ҳаво  дар водиҳо  шабона 4+9 ва рӯзона 17+22  дараҷа гарм мешавад.  Дар  ноҳияҳои кӯҳӣ ҳаво шабона 0+5 ва  рӯзона 9+14 дараҷа гарм  мешавад.

Дар  шаҳри Душанбе ҳаво тағйирёбанда шуда, шабона ва саҳар дар баъзе ҳолатҳо борони майда меборад. Рӯзона ҳавои бебориш мешавад.  Шамол аз самти ғарб бо гузариш ба шарқ бо суръати 3-8  метр дар як сония   мевазад. Ҳаво шабона 6+8  ва  рӯзона 20+22 дараҷа гарм мешавад.