Пеш аз бозии Суперҷоми Тоҷикистон-2020 миёни дастаҳои «Истиқлол» ва «Хуҷанд» нишасти матбуотӣ доир гардид
ДУШАНБЕ, 04.04.2020. /АМИТ «Ховар»/. Дирӯз пеш аз баргузории бозии Суперҷоми Тоҷикистон миёни дастаҳои футболи «Истиқлол»-и Душанбе ва «Хуҷанд»-и Хуҷанд дар қароргоҳи Федератсияи футболи Тоҷикистон бо иштироки сармураббиёни дастаҳои «Хуҷанд» ва «Истиқлол» нишасти матбуотӣ баргузор шуд. Дар ин бора мухбири АМИТ «Ховар» бо истинод ба Федератсияи футболи Тоҷикистон иттилоъ медиҳад.
Сармураббии дастаи футболи «Хуҷанд»-и Хуҷанд Никола Лазаревич дар ҳузури хабарнигорон иброз дошт, ки «мо аллакай бо дастаи «Истиқлол» дар чорчӯби КФО рақобат доштем, аммо ин дидори дигар аст. Бозӣ барои Суперҷом дигар аст. Барои бозӣ бо дастаи «Истиқлол» 90 дарсад омода шудаем, даҳ дарсади дигарашро бозии дар пеш буда муайян мекунад».
Сармураббии дастаи футболи «Истиқлол»-и Душанбе Виталий Левченко гуфт, ки бовар дорад бозӣ ҷолиб ва диданӣ мегузарад. Ӯ афзуд, ки «мо тибқи нақшаи худамон, барои пирӯзӣ пеш меравем ва ҳар дастае қавитар бошад, ҳамон даста ғолиб мегардад».
Ҳамчунин дар идомаи нишасти матбуотӣ бозингари дастаи «Истиқлол» Алишер Ҷалилов изҳор намуд, ки рақобати Суперҷом танҳо як бозӣ аст ва ҳарчӣ дар тавон дорем, ба кор мебарем.
Зимнан ҳарду ҷониб ҳам иброз доштанд, ки футбол бо мухлисон дар майдон зеб дорад, аммо дар вазъияти мавҷуда тасмими масъулон дар хусуси баргузории мусобиқа бидуни иштироки мухлисон дар варзишгоҳро тақозои замон мешуморанд.
Ёдовар мешавем, ки бозии Суперҷоми Тоҷикистон байни дастаҳои футболи «Хуҷанд»-и Хуҷанд ва «Истиқлол»-и Душанбе имрӯз, соати 17:00 дар Варзишгоҳи марказии шаҳри Душанбе баргузор мегардад.
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
