Роҳбари СММ: мо дар қиболи кизбу дурӯғ оид ба COVID-19 далелҳои илмӣ пешниҳод намоем

ДУШАНБЕ, 15.04.2020 /АМИТ «Ховар»/. Имрӯз  дар мубориза бо COVID-19,  ки ба буҳроне, мисли давраи Ҷанги дуюми ҷаҳон овардааст, оламиён муттаҳид шудаанд, ёдрас намуд роҳбари СММ Антонио  Гуттериш 14 апрел дар як паёми видеоии  вижа. Дар ин бора АМИТ «Ховар» бо истинод ба хадамоти ахбори СММ хабар медиҳад. «Акнун мо шоҳиди эпидемияи хавфноктар- эпидемияи  маълумоти таҳрифёфтаем», — илова кард дабири кулл.

Аз рӯи гуфтаҳои ӯ, дар ҳама ҷо «гиёҳдармонҳо» бо тавсия  ва дорухатҳои хеш пайдо мешаванд, ки метавонанд ба саломатӣ осеб расонанд. Дар шабакаҳои мустақим  дурӯғи маҳз  садо медиҳад. Нафрат, бадбинӣ, таҳқир ва  таҳрифкунии шахсони алоҳида ё гурӯҳҳо торафт вусъат мегирад.

«Дар муқовимат алайҳи ин беморӣ бояд ҷаҳон муттаҳид гардад. Ва эътимод дар ин ҳолат беҳтарин  дору  буда метавонад». Мо бояд ба илм, муассисаҳо ва ба ҳамдигар бовар намоем,- чунин даъват ба амал овард аз ҳамагон  роҳбари СММ.

Ӯ дар муқобили дурӯғбофиҳои  шабакаҳои  иҷтимоӣ, ки   одамонро ба  гумроҳӣ мебаранд, ба заҳмати рӯзноманигороне эҳтиром гузошт, ки воқеиятро аз таҳриф ҷудо месозанд. Вале, ширкатҳое, ки шабакаҳои иҷтимоӣ доранд, изҳороти хусуматомез ва зарарнок марбут ба  COVID-19-ро бояд қатъан ба роҳ монанд.

Институтҳои давлатӣ дар он ҳолат эътимоди шаҳрвандонро ба даст меоранд, ки дар амалҳои хеш ҳисси масъулият дошта бошанд ва ба иттилооти мӯътамад такя намоянд.

Дабири кулл гуфт, ки эҳтироми тарафайн ва риояи ҳуқуқи инсон дар рафъи буҳрони мавҷуда бояд қутбнамои  мо бошад.

Антонио  Гутерриш ташаббуси нави СММ- пурғановат кардани интернетро  бо далелҳои илмӣ эълон намуд ва онҳоро ба «мавҷи дурӯғбофиҳо», ки  зиндагии одамонро заҳролуд месозанд, муқобил гузошт.

ДАР АКС: Нью-Йорк  дар қаламрави ИМА ба манбаи калони эпидемияи коронавирус табдил ёфтааст. Акси СММ /Э.Шнайдер