Суғд: Барои иштирокчиёну маъюбони Ҷанги Бузурги Ватанӣ 740 000 сомонӣ кумакпулии яквақта ҷудо гардид
ДУШАНБЕ, 29.04.2020 /АМИТ «Ховар»/. Ба муносибати 75-солагии Рӯзи Ғалаба ба иштирокчиёну маъюбони Ҷанги Бузурги Ватании солҳои 1941-1945, ҳамчунин ҳамсарони бесаробонмондаи ҷанговарони дар ин ҷанг ҳалокгардида ва шахсоне, ки дар ақибгоҳ заҳмат кашидаанд, бо қарори Раиси вилояти Суғд 740 000 сомонӣ кумакпулии яквақта ҷудо гардидаст.
Тавре корманди хадамоти матбуоти Раиси вилояти Суғд Андар Раҳмонӣ ба хабарнигори АМИТ «Ховар» иттилоъ дод, аз ин маблағ 192 000 сомонӣ ба 46 нафар иштирокчиёну маъюбони ҶБВ ва 2 нафар ҳамсарони бесаробонмондаи ҷанговарони дар ин ҷанг ҳалокгардида ва 546 000 сомонӣ ба 273 нафар шахсони дар ақибгоҳ фаъолият кардаву дорандагони медалҳо тақдим мегарданд.
Тибқи ин қарор, ба ҳар як иштирокчии маъюби Ҷанги Бузурги Ватании солҳои 1941-1945 ва ҳамсарони бесаробонмондаи ҷанговарони дар ин ҷанг ҳалокгардидае, ки нафақаи бесаробонӣ мегиранд, ба миқдори 4000 сомонӣ кумакпулии яквақта дода мешавад.
Ҳамчунин ба шахсоне, ки дар солҳои ҶБВ дар хизмати ҳарбӣ буданд ва камаш шаш моҳ дар ақибгоҳ кор кардаанд, инчунин ба шахсоне, ки барои хизмати ҳарбии бенуқсон ва меҳнати фидокорона дар ақибгоҳ дар солҳои ҶБВ бо яке аз медалҳои «Барои Ғалаба бар Германия дар Ҷанги Бузурги Ватании солҳои 1941-1945», «Барои Ғалаба бар Япония» ва «Барои меҳнати шоён дар Ҷанги Бузурги Ватании солҳои 1941-1945» сарфароз гардидаанд, ба миқдори 2000 сомонӣ кумакпулӣ супорида мешавад.
Бояд тазаккур дод, ки дар ноҳияҳои вилояти Суғд, аз ҷумла Истаравшан- 4 нафар, Ашт- 9 нафар, Бобоҷон Ғафуров- 5 нафар, Бӯстон- 1 нафар, Деваштич- 6 нафар, Исфара- 4 нафар, Конибодом- 3 нафар, Кӯҳистони Мастчоҳ- 1 нафар, Мастчоҳ- 2 нафар, Панҷакент- 2 нафар, Спитамен- 2 нафар, Ҷаббор Расулов- 5 нафар ва Шаҳристон- 2 нафар иштирокчиёну маъюбони Ҷанги Бузурги Ватанӣ умр ба сар мебаранд.
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
