«ПРЕЗИДЕНТИ МО-ИФТИХОРИ МО». Таҳти ин унвон ҳамоиши сиёсӣ-фарҳангии аъзои ҳизби ноҳияи Фирдавсӣ доир шуд
ДУШАНБЕ, 12.11.2025 /АМИТ «Ховар»/. Имрӯз бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ таҳти унвони «Президенти мо-ифтихори мо» ҳамоиши сиёсӣ-фарҳангии аъзои ҳизби ноҳияи Фирдавсӣ баргузор гардид, хабар медиҳад АМИТ «Ховар».
Иштирокдорони ҳамоиш оид ба нақши Пешвои миллат дар рушди давлатдории миллӣ ибрози андеша карда, аз ҷумла таъкид намуданд, ки бузургтарини ифтихори миллати тоҷик- доштани Пешвои маҳбуби миллат мебошад. Баъди солҳою қарнҳои зиёди бедавлатӣ миллати тоҷик соҳиби давлате бо номи Ҷумҳурии Тоҷикистон гардид. Президенти Ҷумҳурии Тоҷикистон мардумро ба зиндагии шоиста расонида, дар арсаи байналмилалӣ арзишҳои миллиямонро, ки қариб ба гӯшаи фаромӯшӣ рафта буданд, аз сари нав эҳё ва муаррифӣ намуданд.
Иброз гардид, ки аз соҳибистиқлол гардидани мамлакат на он қадар вақти зиёде гузаштааст, аммо Тоҷикистон имрӯз бо чандин давлатҳои пешрафта ва мутараққии ҷаҳон шартномаи ҳамкорӣ ва дипломатӣ барқарор намудааст. Зиёда аз 180 давлати дунё Тоҷикистонро ҳамчун давлати ташаббускор дар арсаи байналмилалӣ эътироф намуданд, ки ин боиси ифтихор ва сарбаландии сокинони ҷумҳуриамон мебошад.
Воқеан ҳам нақши Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон дар роҳи расидан ба сулҳу суботи комил ва пешрафту тараққиёти Тоҷикистон беназир аст.
Изҳор гардид, ки ҳоло Ҳизби Халқии Демократии Тоҷикистон бо шарофати Раиси муаззами он муҳтарам Эмомалӣ Раҳмон дар ҷомеа мақому манзалати ниҳоят баланд дорад, вале мо бояд бо ин иктифо накарда, фаъолияти худро боз ҳам густурдатар ба роҳ монем. Дар ин раванд аъзои Ҳизби Халқии Демократии Тоҷикистон ва онҳое, ки ба маънои том пайраву ҳамсафи Пешвои миллат муҳтарам Эмомалӣ Раҳмон мебошанд, афроде, ки ин Ватан барояшон азизу муқаддас буда, ба афкори сиёсии ҳизби мо таваҷҷуҳ доранд, бояд беш аз пеш фаъолу ташаббускор бошанд.
АКС: АМИТ «Ховар»
Дар Рашт бинои нави шуъбаи Хадамоти давлатии оташнишонӣ ба истифода дода шуд
Дар фурудгоҳҳои байналмилалии Тоҷикистон бо шаҳрвандон корҳои иттилоотию фаҳмондадиҳӣ гузаронида шуданд
Ҳамкории Тоҷикистон ва Қазоқистон дар соҳаи тандурустӣ густариш меёбад
ОГОҲӢ. То 13 ноябр дар Тоҷикистон ҳавои номусоид пешгӯӣ мешавад
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
