Маликшо Неъматзода ва Евгений Примаков рушди ҳамкории дуҷонибаро баррасӣ намуданд
ДУШАНБЕ, 13.11.2025 /АМИТ «Ховар»/. Дар шаҳри Москваи Федератсияи Русия муовини якуми Раиси Ҳизби Халқии Демократии Тоҷикистон Маликшо Неъматзода бо Роҳбари Агентии федералии Русия оид ба кор бо Иттиҳоди Давлатҳои Мустақил, ҳамватанони бурунмарзӣ ва ҳамкории байналмилалии гуманитарӣ («Россотрудничество») Евгений Примаков мулоқот намуд. Дар ин хусус мухбири АМИТ «Ховар» хабар медиҳад.
Тавре мухбири АМИТ «Ховар» хабар медиҳад, дар мулоқот ҷонибҳо дар бораи рушди ҳамкории дуҷониба дар бахшҳои маърифатӣ, фарҳангӣ, дастгирии диаспораҳо, бахусус ҳамватанони тоҷик дар қаламрави Русия, баргузор кардани чорабиниҳои муштарак дар самти баланд бардоштани ҳисси ватандӯстӣ, гиромидошти арзишҳои миллӣ ва тақвияти робитаҳои ҷомеаи шаҳрвандӣ мубодилаи афкор намуданд.
Маликшо Неъматзода гуфт, ки Ҳизби Халқии Демократии Тоҷикистон ҳамеша ҷонибдори таҳкими дӯстию бародарӣ байни Тоҷикистону Русия буда, ба робитаҳои мустаҳкам бо ниҳодҳои гуманитарии ин кишвар, аз ҷумла «Россотрудничество» аҳамияти махсус медиҳад.
Ҷониби Русия низ барои тақвияти ҳамкорӣ бо Ҳизби Халқии Демократии Тоҷикистон ва мусоидат ба фаъолияти созмонҳои ҷамъиятии тоҷикон дар Русия изҳори омодагӣ намуд.
АКС: АМИТ «Ховар»
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
