Суғд: вазъи нафарони зери карантин қарордошта қаноатбахш мебошад
ДУШАНБЕ, 06.04.2020. /АМИТ «Ховар»/. Тавре қаблан хабар додем, имрӯз дар шаҳри Хуҷанди вилояти Суғд баҳри пешгирии хабару гузоришҳои беасоси паҳнгардида оид ба ошкоргардии бемории коронавирус бо иштироки масъулини Раёсати тандурустӣ дар вилоят брифинг доир гардид. Зимни он муовини сардори Раёсати тандурустӣ дар вилояти Суғд Маъруфҷон Ҳоҷибоев баён дошт, ки то имрӯз дар вилоят ягон ҳолати сироятёбӣ аз бемории коронавирус ба қайд гирифта нашудааст ва сабаби марги нафари фавтида Шодиев тибқи ташхис, ҳолномаи эпидемиологии бемории ӯ ба коронавирус ягон алоқа надошта, марҳум аз пневмония фавтидааст. Дар ин бора хабарнигори минтақавии АМИТ «Ховар», ки дар брифинги мазкур иштирок дошт, хабар медиҳад.
Зимни брифинг ҳамчунин гуфта шуд, ки оид ба пешгирии интиқоли навъи коронавируси КОВИД-19 тибқи нақшаи пешбинишуда корбарӣ ҷараён дошта, корҳои пешгирикунанда ва чораҳои амалӣ дар вилоят пурзӯр карда шудаанд.
То 6 апрел дар муассисаҳои тандурустии вилоят 1133 нафар шаҳрвандоне, ки аз кишварҳои хориҷӣ ба ҷумҳурӣ ворид шудаанд, бо аломатҳо ё нишонаҳои бемории илтиҳоби узвҳои болоии нафас ё ОРВ ба қайд ва дар муассисаҳои тиббӣ ба назорати карантинӣ гирифта шудаанд. Айни замон вазъи ҳамаи нафарони дар карантин қарордошта қаноатбахш буда, ҳолатҳои миёнаи ноустувор ё вазнин ба қайд гирифта нашудаанд.
Ҳамзамон 1547 нафар бинобар ба итмом расидани 14 рӯзи тақвими карантинӣ бо ҳолати қаноатбахш ба хонаашон ҷавоб дода шуданд.
Имрӯз корҳои нақшавӣ дар муассисаҳои кумаки аввалияи тиббии санитарӣ пурзӯр карда шуда, боздиди хонагии одамон аз ҷониби табибони оилавӣ барои дарёфт ё муайян намудани бемории сироятӣ идома дорад.
Ҳамчунин барои пешгирии бемориҳои сироятӣ имрӯз дар ҳамаи муассисаҳои томактабӣ, мактабҳои таҳсилоти миёнаи умумӣ ва олӣ корҳои безараргардонӣ гузаронида шуда, ҳамаи муассисаҳои тандурустии вилоят баҳри пешгирии бемориҳои хатарноки сироятӣ тибқи дастурамал ва санадҳои қабулгардида амал намуда, бо маводи зарурии безараргардонӣ ва муҳофизатӣ ба миқдори зарурӣ таъмин мебошанд.
Ҳамзамон нуқтаҳои санитарӣ-карантиние, ки дар гузаргоҳҳои сарҳадӣ таъсис дода шудаанд, бо мутахассисон ва таҷҳизоти зарурӣ-теплодатчик е тепловизорҳо таъмин буда, бо маводи муҳофизатии инфиродӣ пурра таъмин мебошанд.
Ҳамаи нафароне, ки аз хориҷа ба мамлакат ворид мешаванд, барои назорати карантинӣ ба муҳлати 14 рӯзи тақвимӣ дар муассисаҳои тандурустӣ фаро гирифта мешаванд.
Ҳамаи тестҳо барои муайян намудани бемории сироятӣ дар маркази ҷумҳурӣ гузаронида мешаванд.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
