СУТ: Танҳо баъди пирӯзии мутлақ бар COVID-19 метавон аз маҳдудиятҳои ҷоришуда даст кашид
ДУШАНБЕ, 06.04.2020 /АМИТ «Ховар»/. Теъдоди умумии тасдиқшудагони бемории коронавирус дар тамоми олам аз як миллион гузашт. Аз ин шумора 57 ҳазор нафар ҳалок гаштанд. Роҳбари Созмони Умумиҷаҳонии Тандурустӣ бори дигар аз тамоми кишварҳо даъват менамояд, ки бо мақсади суст намудан ё ҷилавгирӣ кардан аз авҷи коронавирус тадбирҳои назоратӣ ва пешгириро тақвият диҳанд,- хабар медиҳад АМИТ «Ховар» бо истинод ба хадамоти матбуоти СММ.
«Мо медонем, ки ин буҳрон на фақат соҳаи тандурустиро фаро гирифтааст, он ҳамчунин оқибатҳои амиқи иҷтимоӣ ва иқтисодиро дар давраи пандемия ба бор меорад. Маҳдудиятҳое, ки дар бисёр кишварҳо барои ҳифзи саломатӣ ҷорӣ месозанд, ба манбаи даромади мардум, ба иқтисодиёти соҳаҳои гуногун ва дар маҷмӯъ ба худи давлат ҷиддан таъсир мерасонанд»,- гуфт роҳбари СУТ Тедрос Гебрейесус дар нишасти матбуотӣ дар Женева .
Ӯ афзуд, ки танҳо ғалаба бар вирус метавонад тарк намудани маҳдудиятҳо ва заиф сохтани оқибатҳои иқтисодии онҳоро имконпазир созад. Барои ба даст овардани пирӯзӣ дар ин набард чораҳои фаврии ҳамаҷониба заруранд: бояд ҳар як ҳолат ошкор ва санҷида шавад, ҳар нафари бемор дар алоҳидагӣ аз дигарон табобат ёбад, ҳамчунин муайян кардани тамоми ашхоси бо бемор алоқадошта шарти асосист.
Роҳбари СУТ бори дигар тасдиқ кард, ки гурӯҳи аз ҳама осебпазир шахсони солхӯрда ва онҳоеанд, ки бемориҳои музмин доранд. Аммо ҷавонон низ ба ин дард гирифтор мешаванд. Шумораи ҷавонони аз 20 то 40-солаи мубталои коронавирус рӯз аз рӯз меафзояд. Аксари онҳо мемиранд.
Тедрос Гебрейесус диққати ҳамагонро ба мушкилоти дигари бо пандемия дар робита ҷалб намуд. Ин хушунати хонаводагӣ нисбат ба занон ва кӯдакон мебошад. Ҳангоми карантин оилаҳо бештар дар доираи маҳдуд бо ҳам рӯз мебаранд ва бисёриҳо афсурдаҳолу асабӣ шуда, ба изтироб меафтанд. Вале, чуноне ки роҳбари СУТ мегӯяд, ин набояд сабаби ба вуҷуд омадани зӯроварӣ бишавад.
Ба ҳолати соати 12:00 ба вақти Аврупои Марказӣ, рӯзи шанбеи 4 апрел, дар 53 кишвар, ки аъзои Шӯрои аврупоии СУТ мебошанд, COVID-19 ба қайд гирифта шудааст. Ҳамагӣ дар минтақа 583 939 ҳолати тасдиқгаштаи сироят ва 42 348 ҳолати фавт сабт шудааст. Дар Озарбойҷон – 443 ҳолат, Арманистон — 736, Беларус- 254, Россия — 4 149, Украина — 1096, Молдова – 591, Қазоқистон- 460, Қирғизистон- 144 ва Ӯзбекистон – 241 бемор ба қайд гирифта шудаанд.
СУТ изҳор намуд, ки Комиссияи Аврупо дар мубориза алайҳи коронавирус ба шаш кишвари минтақа — Арманистон, Озарбойҷон, Беларус, Гурҷистон, ҷумҳуриҳои Молдова ва Украина 30 миллион евро ҷудо кардааст.
ДАР АКС: СУТ ёдрас менамояд, ки нишонаҳои коронавирус бо зуком шабеҳи ҳамдигаранд. Акси СУТ/ Дж.Сун
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
