СУТ: теъдоди сироятшудагони коронавирус дар ҷаҳон ба зудӣ ба 1 миллион нафар мерасад

ДУШАНБЕ, 02.04.2020 /АМИТ «Ховар»/. Теъдоди мубталоёни коронавирус дар ҷаҳон ба наздикӣ ба 1 миллион   нафар хоҳад расид,  изҳор дошт директори генералии СУТ  Тедрос Аданом Гебрейесус   дар брифинг дар Женева. Дар ин бора АМИТ «Ховар»  бо истинод ба ТАСС  хабар медиҳад.

«Ман аз авҷ гирифтан ва паҳншавии саросарии сироят сахт  нигарон ҳастам», — гуфт  роҳбари СУТ.

Ӯ  зикр намуд, ки ин беморӣ ҳоло қариб дар тамоми кишварҳо вуҷуд дорад. «Теъдоди шахсони фавтида ҳафтаи охир беш аз ду баробар афзуда,  рӯзҳои наздик шумораи ҳолатҳои тасдиқшудаи беморӣ ба 1 миллион нафар расида, теъдоди ҳалокшудагон  50 ҳазорро ташкил хоҳад дод», — гуфт ӯ.

ДАР АКС: Тедрос Аданом Гебрейесус. Сурати  Синхуа