Тоҷикистон ба бистгонаи давлатҳои аз коронавирус озод шомил гардид
ДУШАНБЕ, 24.04.2020 /АМИТ «Ховар»/. Беш аз 20 давлат ва нуқтаҳои ҳамеша маскуни аҳолӣ то ҳанӯз аз сирояти коронавирус дар канор мондаанд. Номгӯи кишварҳоро рӯзи чоршанбе, 22 апрел, рӯзномаи бритониёии “Daily Mail” мураттаб сохтааст, хабар медиҳад АМИТ «Ховар».
Ба рӯйхати давлатҳои аз лиҳози коронавирус бехавф ҷазираҳои Комор, Кирибати, Лесото, ҷазираҳои Маршал, Иёлоти федеративии Микронезия, Науру, Палау, ҷазираҳои Сулаймон, Тоҷикистон, Тонго, Туркманистон, Тувалу, Вануату ва Кореяи Шимолӣ шомиланд.
Ба манотиқи аҳолинишини доиман маскун, ки ҳоло дар он ҷо коронавирус вуҷуд надорад, ҷазираҳои Питкэрн, Еленаи муқаддас, Меъроҷ ва Тристан-да-Куня ( Британияи Кабир) , Самоаи Америка (ИМА), ҷазираҳои Уоллис ва Футун, Шписберген (Норвегия), ҷазираҳои Мавлуди Исо ва Норфолк, ҷазираҳои норҷилӣ, (Австралия), Ниуэ, Токелау, ҷазираҳои Кук (Зеландияи нав) мутааллиқанд.
Барои баъзеи онҳо нақши муҳимро масофаи дури ҷойгиршавиашон бозидааст – масалан, ҷазираҳои Комор дар шарқи соҳили баҳри Африка ва ё Тувалу дар Уқёнуси Ором воқеъ ҳастанд.
Кишварҳо ва манотиқи дигар тадбирҳои фаврӣ ва қатъӣ андешиданд, то паҳншавии эҳтимолии коронавирус боздошта шавад. Масалан, Тонго сарҳадҳои худро барои сайёҳон баста, вазъияти фавқулода эълон намуд ва соати қатъии комендантӣ ҷорӣ кард, менависад нашрия.
Тавре АМИТ «Ховар» қаблан хабар дод, Намояндаи СУТ дар Тоҷикистон Галина Перфилйева тавассути шабакаи телевизионии «Тоҷикистон» расман эълон намуд, ки дар мамлакат коронавирус вуҷуд надорад ва аз аҳолӣ хоҳиш намуд, ки ба тозагӣ риоя намуда, ба ҷойҳои серодам нараванд.
«То ин дам аз рӯи маълумоти расмӣ ва мо ҳам инро тасдиқ мекунем, зеро бо озмоишгоҳе, ки ПСР озмоиш мегузаронад, зич алоқа дорем, ки дар Тоҷикистон ягон ҳолати гирифторшавӣ ба коронавирус ба қайд гирифта нашудааст. Ҳоло тамоми ҷаҳон бо COVID-19 мубориза мебарад, амалан ягон кишваре намондааст, ки дар он ҳолати беморӣ вуҷуд надошта бошад. Тоҷикистон ва Туркманистон ду давлате дар минтақа ҳастанд, ки дар онҳо ҳолати маризии коронавирус ба қайд гирифта нашудааст»,- изҳор дошт ӯ.
Чунончӣ, ТАСС хабар медиҳад, директори бюрои минтақавии аврупоии СУТ Ханс Клюге ба афзоиши теъдоди маризон ҳафтаи охир дар Россия, Беларус, Ӯзбекистон ва Украина таваҷҷуҳ зоҳир намуд. Ӯ изҳор дошт, ки ҳафтаи оянда гурӯҳи коршиносони СУТ ба Тоҷикистон ва Туркманистон фиристода мешаванд, то вазъиятро дар минтақа баррасӣ намоянд. Ҳафтаи равон чунин гурӯҳ ба Беларус ташриф оварда буд.
АКСИ Вазорати тандурустӣ ва ҳифзи иҷтиомии аҳолии Ҷумҳурии Тоҷикистон
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
