Ба муассисаҳои тандурустии Душанбе ҷиҳати пешгирии паҳншавии коронавирус дар ҳаҷми зиёда аз 5 миллион сомонӣ кумак расонида шуд
ДУШАНБЕ, 16.04.2020 /АМИТ «Ховар»/. Имрӯз ба Раёсати тандурустии шаҳри Душанбе ҷиҳати пешгирӣ аз паҳншавии бемории коронавирус 20 ҳазор адад тестҳои санҷишӣ барои муайян кардани вируси COVID-19, 10 адад таҷҳизоти нафасдиҳии сунъӣ барои шушҳо (ИВЛ) ва 500 маҷмӯи либосҳои махсуси тиббӣ тақдим гардид, ки ҳаҷми кумаки расонидашуда ба зиёда аз 5 миллион сомонӣ баробар аст. Ширкати «Тоҷикгидроэлектромонтаж» тасмим гирифтааст, ки ояндаи наздик боз беш аз 20 адад таҷҳизоти сунъии нафаскашӣ барои шушҳо (ИВЛ)-ро аз корхонаҳои маъруфи ҷаҳонӣ дастрас намуда, ба муассисаҳои тандурустии шаҳри Душанбе тақдим намояд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ “Ховар” хабар доданд, ин иқдом бо ташаббуси Раиси шаҳри Душанбе Рустами Эмомалӣ дар доираи тадбирҳо оид ба пешгирӣ аз паҳншавии бемории сироятии коронавирус (COVID-19) сурат гирифта, ин кумак дар доираи иқдомҳои башардӯстона ва эҳсонкорӣ аз ҷониби ширкати ТГЭМ — «Тоҷикгидроэлектромонтаж»-и Ҷумҳурии Тоҷикистон расонида шуд.
Дар ҷараёни тақдими таҷҳизоти тиббӣ намояндаи ширкат иттилоъ дод, ки тестҳои мазкур ба тамоми беморхонаҳои давлатии шаҳри Душанбе тақсим карда мешаванд. Онҳо барои зуд ташхис кардани вирус, дар инзивоъ қарор додани шахсони мубтало ба он ва пешгирӣ аз паҳншавии вирус пешбинӣ шудаанд.
Тазаккур бояд дод, ки ширкати ТГЭМ («Тоҷикгидроэлектромонтаж») бо пайравӣ аз иқдомҳои хайру эҳсонкории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тасмим гирифтааст, ки оянда низ бо ҳисси баланди ватандӯстӣ ва садоқат ба арзишҳои умумиинсонӣ чунин ташаббусҳои башардӯстонаро идома диҳад.
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
