БОЗЁФТИ БОСТОНШИНОСОНИ ТОҶИК. Дар ноҳияи Хуросон ороишоти тиллоӣ бо тасвири кентавр — ҷонвари тахаюлӣ, ки аз миён болояш одам ва аз миён поёнаш асп аст, пайдо гардид

Май 7, 2020 14:31

ДУШАНБЕ, 07.05.2020. /АМИТ «Ховар»/. Зимни  ковишҳои бостоншиносӣ  дар харобаҳои шаҳри қадимаи Халқаҷари ноҳияи Хуросони вилояти Хатлон дар натиҷаи  сағонаҳои дар кӯҳ кандашудаи кушонӣ, боқимондаҳои қабри як ашрофи сарватманд, хонаҳои истиқоматӣ, хуму кӯзаҳо, аз ҷумла бо тасвири одам ва шер, сикка ва ғайра пайдо карда шуданд.Дар ин бора доктори илмҳои таърих Давлатхоҷа Довудӣ  ба АМИТ «Ховар»  хабар дод.

Ба гуфтаи  доктори илмҳои таърих Давлатхоҷа Довудӣ,    дар яке аз гӯрҳо сиккаи шоҳи кушонӣ Васудева ёфт шудааст, ки ба асри  III-и  мелод тааллуқ дорад. Муҳимтарин бозёфт ороишоти тиллоие мебошад, ки бо санги ақиқ ва тасвири кентавр  — ҷонвари тахаюлӣ, ки аз миён болояш одам ва аз миён поёнаш асп аст, зиннат ёфтааст.

Иттилоъ дода шуд, ки Ҳалқаҷар яке аз шаҳрҳои тараққикардаи замони Кушониён буда, сокинони маҳаллӣ дар вақти кишту кор аз атрофи он шумораи зиёди сиккаҳои кушонӣ ва дигар асбобҳои бостонӣ пайдо кардаанд. Аз ҷумла, соли 1999 дар инҷо як ганҷинаи сиккаҳои тиллоии шоҳи Кушониён Ҳувишка ёфт шуда буд. Омӯзиши ин ёдгории нодир имконият медиҳад, ки саҳифаҳои нави таърихи миллати тоҷик дар дар замони Кушониён (а. II п.м. —  III мелод) кушода  ва дастраси мардуму аҳли илм гарданд.

Ёдовар мешавем, ки дар мавзеи мазкур  бо роҳбарии сардори шуъбаи бостоншиносӣ ва сиккашиносии Осорхонаи миллии Тоҷикистон,  доктори илмҳои таърих  Давлатхоҷа Довудӣ  ва  директори  осорхона Абдувалӣ Шарифзода, корманди он  Фаррух Сафоев  аз 23 апрел  ковишҳои бостоншиносӣ оғоз гардида, он  то 23 май  идома меёбад.

Май 7, 2020 14:31

Хабарҳои дигари ин бахш

Аз 16 то 18 апрел дар Душанбе намоиш-фурӯши чакан баргузор мегардад
«НАҚШИ ПЕШВОИ МИЛЛАТ ДАР ТАҲКИМИ ВАҲДАТ». Таҳти ин унвон китоби нав ба нашр расид
Оид ба ҷойгоҳи китоб ва китобхонаҳо дар тарғиби музаффарияти истиқлолияти давлатӣ ҳамоиши илмӣ доир шуд
ЁДГОРИҲОИ ТАЪРИХӢ-БУЗУРГТАРИН МАКТАБИ ХУДШИНОСӢ БАРОИ НАСЛИ НАВРАСУ ҶАВОН. Бардошт аз суханронии Президенти Тоҷикистон дар маросими ифтитоҳи «Қалъаи Хуҷанд»
Эмомалӣ Раҳмон: «Садриддин Айнӣ он солҳо беш аз дигарон ба дифои ҳуқуқу ҳастии тоҷикон баромада, қадимӣ, таърихӣ ва бумӣ будани миллаташро исбот намуд»
Дар бинои навбунёди Қасри фарҳанги шаҳри Истаравшан 30 нафар бо ҷойи кори доимӣ таъмин гардиданд
«СУКУТ ДАР КӮҲҲО». Лоиҳаи синамоии муштараки ин филм муҳокима гардид
Эмомалӣ Раҳмон: «Дар натиҷаи ҳафриёти бостоншиносӣ аз Қалъаи Хуҷанд бозёфтҳои нодири давраҳои пурифтихори таърихи халқи тоҷик ба даст омадаанд»
«ИЛМ-ФУРӮҒИ МАЪРИФАТ». Донишу маърифат ба аҳли башар бузургӣ ва хушбахтӣ меоранд
Президенти Тоҷикистон: «Ба хотири муаррифии ҳарчи бештари таъриху фарҳанги миллӣ сохтори алоҳидаи давлатӣ – Агентии ҳифзи мероси таърихиву фарҳангӣ таъсис додем»
Эмомалӣ Раҳмон: «Дар давраи соҳибистиқлолӣ зиёда аз 100 ёдгории таърихиву фарҳангӣ тармиму барқарор гардид»
Озмуну фестивали ҷумҳуриявии «Кадбонуи беҳтарин» ва «Сад ранги чакан» ҷамъбаст мешаванд