Дар вилояти Суғд барои харидорӣ намудани доруворӣ ва лавозимоти зарурии тиббӣ 6,5 миллион сомонӣ ҷудо гардид

Май 1, 2020 12:53

ДУШАНБЕ, 01.05.2020 /АМИТ «Ховар»/. Тибқи қарори марбутаи Раиси вилояти Суғд аз буҷети вилоятӣ барои харидорӣ намудани доруворӣ ва лавозимоти зарурии тиббӣ 6,5 миллион сомонӣ ҷудо гардидааст. Дар ин бора АМИТ «Ховар» бо истинод ба гузориши Хадамоти матбуоти Раиси вилояти Суғд иттилоъ медиҳад.

Тавре гуфта мешавад, дирӯз Раиси вилоят Раҷаббой Аҳмадзода зимни боздид аз беморхонаи клиникавии бачагонаи вилоятӣ бо кормандони соҳаи тандурустии вилоят ва табибони ин муассиса суҳбат намуда, бо вазъи захираи маводи зарурии тиббӣ аз наздик шинос гардид.

«Дар вилоят баҳри пешгирӣ аз сироят ва паҳншавии бемориҳои сироятӣ тадбирҳои саривақтӣ андешида мешавад, — тазаккур додааст Раҷаббой Аҳмадзода ва илова намудааст, ки алҳол ситоди вилоятӣ фаъол буда,  тибқи қарори марбутаи Раиси вилоят аз буҷети вилоятӣ барои харидорӣ намудани доруворӣ ва лавозимоти зарурии тиббӣ 6,5 миллион сомонӣ ҷудо гардидааст».

Ҳангоми боздид аз анбори захираи доруворӣ таъкид гардид, ки табибон бо лавозимоти зарурӣ, аз ҷумла либоси муҳофизатӣ ва корҷомаҳо таъмин буда, якчанд корхонаҳои саноатии вилоят ба дӯхтани лавозимоти тиббӣ машғуланд.

Раҷаббой Аҳмадзода ба роҳбарони ширкатҳои фарматсевтии вилоят дастур дод, ки дар таъмини саривақтии мардум бо доруворӣ беш аз пештара ҳиссагузорӣ намуда, ҷиҳати дастгирии оилаҳои камбизоат тадбирҳои неку хайр андешанд.

Тибқи иттилои Раёсати тандурустии вилоят, алҳол аз ҷониби кормандони Марказҳои назорати давлатии санитарию эпидемиологӣ, шуъбаҳои дезинфексионию безараргардонии вилоят ва шаҳру ноҳияҳо дар шоҳроҳҳои асосии дохили шаҳру ноҳияҳо, роҳравҳо, кӯчаю хиёбонҳо, истгоҳҳо, бино ва хонаҳои истиқоматӣ, боғҳои фарҳангию фароғатӣ, муассисаҳои савдо, хӯроки умумӣ, нақлиёт, корхонаю ташкилот ва ғайра дар масоҳати умумии наздик 583 ҳазор м2 чорабиниҳои безараргардонӣ гузаронида шудаанд.

Ҳамзамон бо мақсади дарёфт ва гузаронидани назорати хонагии шахсоне, ки аз давлатҳои хориҷӣ баргаштаанд, аз ҷониби кормандони тиббии марказҳои саломатӣ чорабинии гардиши хона ба хона пурзӯр карда шуд.

Бино ба гузориши Хадамоти матбуоти Раиси вилояти Суғд, 28 апрел 52 680 хоҷагӣ гардиш шуда, 252 355 нафар шаҳрванд аз муоинаи тиббӣ гузаштаанд. Бинобар ба итмом расидани 14 рӯзи карантинӣ то 29 апрел ҳамагӣ 3336 нафар аз беморхонаҳо рухсат шуда, айни замон 420 нафар дар муассисаҳои тиббии шаҳру ноҳияҳо бистарӣ мебошанд.

Раиси вилоят ба масъулини соҳаи тандурустии вилоят дастур дод, ки бобати тақвияти корҳои фаҳмондадиҳӣ, доир намудани чорабиниҳои маърифатию иттилоотӣ оид ба баланд бардоштани сатҳи маълумотнокии ҷомеа нисбат ба пешгирии сирояти коронавирус тадбирҳои амиқ андешанд.

Май 1, 2020 12:53

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад