Роҳбари гурӯҳи табибони Ӯзбекистон: «Бо чунин тарзи кори табибони суғдӣ COVID-19 ояндаи наздик пурра маҳв хоҳад шуд»
ДУШАНБЕ, 20.05.2020 /АМИТ «Ховар»/. Роҳбари гурӯҳи табибони варзидаи Ҷумҳурии Ӯзбекистон Неъматҷон Иброҳимов, ки айни замон дар вилояти Суғд қарор доранд, зимни мулоқот бо Раиси вилоят гуфт, ки «бо чунин тарзи корбарии табибони пуртаҷрибаи вилоят ҷиҳати пешгирии паҳншавӣ ва табобати мубталоён бемории нави коронавирус — COVID-19 ояндаи наздик пурра маҳв хоҳад шуд».
Ёдовар мешавем, ки гурӯҳи табибони Ӯзбекистон- 4 нафар мутахассисони Ҷумҳурии Ӯзбекистон, иборат аз эпидемиолог, вирусолог ва эҳёгарон бо мақсади дастгирӣ ва табодули таҷрибаи тиббӣ дар мубориза бар зидди паҳншавии бемории COVID-19 ба вилояти Суғд рафта, бо Раиси вилоят Раҷаббой Аҳмадзода мулоқот намуданд. Дар ин бора АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Неъматҷон Ибрагимов ҳамчунин зикр намуд, ки тайи ду рӯз дар якҷоягӣ бо ҳамкасбони тоҷики худ дар беморхонаҳои вилояти Суғд фаъолият бурда, бо ҳамдигар табодули таҷриба намуданд. Дар беморхонаҳои вилояти Суғд табибони касбӣ фаъолият доранд. Дар инҷо бисёр усулҳои пешрафтаи ҷавобгӯ ба талаботи Созмони умумиҷаҳонии тандурустӣ ба роҳ монда шуда, муолиҷаи беморон ба таври зарурӣ сурат гирифта истодааст.
Раиси вилоят Раҷаббой Аҳмадзода зикр намуд, ки «пандемияи бемории коронавирус зиёда аз 200 давлати дунёро фаро гирифта, дар Тоҷикистон охири моҳи апрел ба қайд гирифта шуд.
«Аз рӯзҳои аввали пайдоиши беморӣ дар Тоҷикистон бо дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати пешгирии паҳншавӣ ва табобати мубталоёни бемории нави короновирус — COVID-19 ситоди ҷумҳуриявӣ ба фаъолият шурӯъ намуд. Дар Суғд низ бо роҳбарии Раиси вилоят ситоди вилоятӣ шабонарузӣ амал менамояд. Бо икдоми Пешвои миллат муҳтарам Эмомалӣ Раҳмон ва Президенти Ӯзбекистон Шавкат Мирзиёев аз рӯзҳои аввали беморӣ барои расонидани ёрии амалӣ 8 нафар табибони варзидаи Ҷумҳурии Ӯзбекистон сафарбар карда шуданд, ки ин нишони дӯстии мардуми ба ҳам дӯсту бародари тоҷику ӯзбек мебошад»,- гуфт Раиси вилояти Суғд.
Номбурда ҳамчунин илова намуд, ки дар вилояти Суғд ба кормандони соҳаи тиб барои муолиҷаи сокинон тамоми шароит фароҳам оварда шуда, табибон бо маводи доруворӣ, либосҳои муҳофизатӣ, антисептикҳо пурра таъмин мебошанд. Натиҷаи меҳнати шабонарӯзии табибони тоҷик буд, ки имрӯз дар вилоят сироятёбӣ ба бемории мазкур рӯз аз рӯз коҳиш ёфта истодааст.
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
