ТАҚВИМИ АМИТ «ХОВАР»: имрӯз 20 май, чоршанбе, 141-умин рӯзи соли 2020 аст
20 майи соли 2009 дар Москва шоми фарҳангии «Дӯстии халқҳо» баргузор гардид, ки дар он намояндагони кишварҳои узви Иттиҳоди Давлатҳои Мустақил ва дигар ташкилоти ҷамъиятию байналмилалӣ иштирок карданд. Дар робита ба ҷашни 70-солагии «Дӯстии халқҳо» Президенти Ҷумҳурии Тоҷикистон муҳтарам Эмомалӣ Раҳмон оид ба маҷаллаи адабию бадеӣ ва ҷамъиятию сиёстии «Дӯстии халқҳо» сухани табрикӣ намуданд.
***
9 сол пеш, 20 майи соли 2011 Сарвари давлат Эмомалӣ Раҳмон ва намояндаи махсуси маъмурияти Иёлоти Муттаҳидаи Америка оид ба Афғонистон ва Покистон Марк Гроссман оид ба масъалаҳои ҳамкории Тоҷикистон ва ИМА гуфтугӯи судманд намуданд.
***
Дар ин рӯзи соли 2014 Президенти Ҷумҳурии Тоҷикистон Эмомалӣ Раҳмон ва сарони давлатҳои дигар, ки барои иштирок ба ҳамоиши кишварҳои аъзои Машварати ҳамгироӣ ва тадбирҳои боварӣ дар Осиё ба шаҳри Шанхайи Ҷумҳурии Мардумии Чин ташриф оварда буданд, дар чорабинии бошукӯҳи фарҳангӣ иштирок намуданд.
20 МАЙ ТАҶЛИЛ КАРДА МЕШАВАД:
Рӯзи умумиҷаҳонии метрология.
***
Рӯзи байналмилалии травматолог.
***
Дар Украина – Рӯзи кормандони соҳаи бонкдорӣ.
РӮЙДОДҲО:
20 майи соли 2009 дар арафаи ҷашни 15-солагии Қӯшунҳои сарҳадии Ҷумҳурии Тоҷикистон дар доираи лоиҳаи корхонаҳо оид ба муҳоҷират дар Ҷумҳурии Тоҷикистон дар маркази таълимии Идораи асосии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон маросими кушодашавии Маркази азнавтайёркунии мутахассисон дар соҳаи назорати сарҳадӣ баргузор гардид.
***
5 сол пеш, 20 майи соли 2015 дар шаҳри Хуҷанд ҷаласаи Кумитаи Шӯроҳои амнияти давлатҳои узви СААД баргузор гардид.
***
20 майи соли 2015 дар Вазорати корҳои хориҷии Ҷумҳурии Тоҷикистон барои роҳбарон ва намояндагони дипломатӣ ва созмонҳои байналмилалии аккредитатсияшуда, ки ба шаҳри Душанбе барои иштирок дар Конфронси байналмилалии сатҳи баланд оид ба натиҷагирии Даҳсолаи байналмилалии амал «Об барои ҳаёт», 2005-2015 омаданд ва дар он Дабири кулли СММ иштирок намуд, брифинг ташкил шуд.
***
Дар ин рӯзи соли 2017 дар шаҳри Душанбе веломарафон баргузор гардид.
***
92 сол муқаддам, 20 майи соли 1927 Британияи Кабир истиқлолияти Арабистони Саудиро эътироф намуд.
***
20 майи соли 1972 дар Камерун раъйпурсӣ баргузор гардид ва ин мамлакат аз давлати федеративӣ ба унитарӣ табдил ёфт.
ИНЧУНИН ДАР ИН РӮЗ…
Соли 2010 дар шаҳри Тошканди Ӯзбекистон қуръакашии давраи ниҳоии чемпионати Осиё миёни варзишгарони то 16-сола баргузор гардид. Дастаҳои Ӯзбекистон, Урдун ва Индонезия рақибони дастаи мунтахаби Тоҷикистон гардиданд.
***
Соли 1851 аввалин маротиба дар Канада тамғаи почта бароварда шуд.
Тақвими моро дар ин гӯша
шореҳ Шукӯҳи ДАЛЕР варақ мезанад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
