ФУТБОЛ. «Истиқлол», «Истаравшан» ва «Душанбе-83» дар даври 7-уми Чемпионати Тоҷикистон бар ҳарифонашон ғолиб омаданд

Июнь 29, 2020 10:01

ДУШАНБЕ, 29.06.2020 /АМИТ «Ховар»/. Бозиҳои даври ҳафтуми Чемпионати Тоҷикистон оид ба футбол миёни дастаҳои лигаи олӣ 27-28 июн дар варзишгоҳҳои мамлакат баргузор гардиданд. Ин мавзӯъро шореҳи варзишии АМИТ «Ховар» Меҳрони Қурбон шарҳ медиҳад.

Рӯзи 27 июн се бозии даври ҳафтуми Чемпионати Тоҷикистон оид ба футбол миёни дастаҳои лигаи олӣ доир шуд. Бозӣ аввал миёни ду дастаи вилояти Хатлон – «Хатлон»-и шаҳри  Бохтар ва «Файзканд»-и ноҳияи Восеъ бо ҳисоби мусовӣ 1:1 анҷом ёфт. Дилшод Баротов футболбози дастаи «Файзканд» дар дақиқаи 59-ум ҳисобро кушод. Баъд аз 10 дақиқа бохтариҳо бо голи Парвиз Боқӣ-Охунов ҳисобро баробар карданд. Бозӣ миёни дастаҳои «Куктош» ва КМВА низ мусовӣ – 0:0 анҷом ёфт. Дар бозии дигар дастаи футболи   «Истаравшан»-и шаҳри Истаравшан ба дарвозаи тими «Локомотив-Помир»-и Душанбе ду голи беҷавоб зад. Аввалин се холро дар мавсими нав истаравшаниҳо тавассути зарбаҳои нишонраси Илҳом Баротов дар дақиқаҳои 53-юм ва 90+1-уми дидор ба даст оварданд.

Рӯзи 28 июн дар доираи рақобатҳои даври 7-уми Лигаи олӣ дастаи «Душанбе-83»-и Душанбе ба меҳмонии дастаи «Регар-ТадАЗ» сафар кард. Вохӯрии мазкур бо натиҷаи 2:1 ба суди дастаи футболи «Душанбе-83» хотима ёфт.

Қобили зикр аст, ки вохӯрии марказии ин мавсим дар даври 7-уми Чемпионати Тоҷикистон байни дастаҳои футболи «Хуҷанд»-и шаҳри Хуҷанд ва «Истиқлол»-и шаҳри Душанбе бо як шукӯҳу шаҳомати хоса доир шуд. Рақобати ин ду даста дар ҳама давру замон пуршиддат сурат мегирад. Қаҳрамони феълии кишвар дастаи «Истиқлол» ба меҳмонии ноибқаҳрамони мамлакат тими «Хуҷанд» сафар кард. Сабқати ин ду дастаи шинохтаи тоҷик дар шаҳри Хуҷанд доир шуда, бо ҳисоби 3:1 ба фоидаи дастаи «Истиқлол» хотима ёфт. Ҳанӯз се дақиқа пас аз ҳуштаки довари бозӣ — Санҷар Рихсибоев бо як усули зебо дарвозаи Рустам Ятимовро рахна намуд. Мизбонон боварӣ доштанд, ки ин натиҷаро нигоҳ медоранд, аммо дар дақиқаи 16-ум беҳтарин нишонзани чемпионат Манучеҳр Ҷалилов ҳисобро баробар кард. Баъдан дар идомаи рақобат Алишер Ҷалилов ва Вахит Оразсахедов ду маротибаи дигар дарвозаи «Хуҷанд»-ро рахна сохта, ҳисобро 3:1 намуданд.

Ҳамин тавр дастаи  футболи «Истиқлол»-и Душанбе ягона дастае боқӣ мондааст, ки то ҳол талхии бохтро начашидааст. Дар ҳоли ҳозир дастаи «Истиқлол» бо дарёфти 19 хол садрнишини ҷадвал ба ҳисоб меравад. Дастаи  футболи «Хуҷанд» бошад, имкони ба зинаи дуюм баромаданро аз даст дода, бо 13 имтиёз дар ҷои 3-юм қарор гирифт.

Чемпионати Тоҷикистон. Лигаи олӣ. Даври 7-ум

«Хуҷанд» – «Истиқлол» – 1:3

Голҳо: Санҷар Рихсибоев, 3 (1:0). Манучеҳр Ҷалилов, 16 (1:1). Алишер Ҷалилов, 75 (1:2). Вахит Оразсахедов, 90+2 (1:3).

«Регар-ТадАЗ» – «Душанбе-83» – 1:2

Голҳо: Агблей Ҷонс, 45+1 (0:1). Идрис Амину, 69 (0:2). Изатулло Рузиев, 88 – (худгол) (1:2).

«Хатлон» – «Файзканд» – 1:1

Голы: Дилшодҷон  Баротов, 59 (0:1). Парвиз Боки-Ахунов, 69 (1:1).

«Куктош» – КМВА– 0:0

«Истаравшан» – «Локомотив-Памир» – 2:0

Голы: Илҳом Баротов, 53 (1:0). Илҳом Баротов, 90+1 (2:0).

 

   Б      Ғ      М      Б      Т-Т      Х    
 1    «Истиқлол» (Душанбе)      7  6  1  0  34-5  19
 2 «Хатлон» (Бохтар)  7  4  2  1  13-10    14
 3  «Хуҷанд»(Хуҷанд)  7  4  1  2  14-10  13
 4  «Душанбе-83» (Душанбе)    7  3  1  3  6-12  10
 5 «Файзканд»(Восеъ)  7  2  4  1  9-10  10
 6  «Куктош» (Рӯдакӣ)  7  2  3  2  7-9  9
 7  КМВА (Душанбе)  7  2  2  3  8-10  8
 8  «Регар-ТадАЗ» (Турсунзода)    7  2  1  4  11-15  7
 9 «Локомотив-Помир»  (Душанбе)    7  1  1  5  7-13  4
 10   «Истаравшан»  (Истаравшан)  7  1  0  6  6-21  3

 

Манучеҳр  Ҷалилов («Истиқлол») – 9 гол, Алишер  Ҷалилов («Истиқлол») – тӯб , Шериддин Бобоев, Рустам Соиров (( ҳама аз «Истиқлол»), Парвиз Боқӣ-Охунов («Хатлон»), Илҳом Баротов («Истаравшан») – 5 тӯб     Вахит Оразсахедов («Истиқлол»), Худойдод Узоқов («Хатлон»), Дилшод Бозоров («Хуҷанд»), Шодибек Гаффоров (КМВА)  4  тӯб, Диловаршо Ғаниев («Регар-ТадАЗ»)  Идрис Аминов («Душанбе-83»)  3-тӯбӣ.

Июнь 29, 2020 10:01

Хабарҳои дигари ин бахш

Созмондиҳандагон имкони аввали моҳи октябр доир намудани Бозиҳои кишварҳои ИДМ-ро баррасӣ мекунанд
ФИФА ба Федератсияи футболи Тоҷикистон 1,5 млн доллар ҷиҳати рафъи оқибатҳои пандемия ҷудо мекунад
Абдулло Раҳмонзода: Соли равон ба хазинаи варзишии мамлакат 27 медали тилло ворид гардид
Ғолибони даври ҳафтуми Чемпионати Тоҷикистон оид ба футбол миёни бонувон муайян гардиданд
Футболбозони ҷавони тоҷик бар дастаи мунтахаби Тоҷикистон ғолиб омаданд
Ғолиби Суперҷоми Тоҷикистон-2020 оид ба футзал муайян гардид
Дар Вазорати корҳои хориҷӣ дуюмин Мусобиқаи шоҳмот барои дарёфти «Ҷоми Пешвои миллат» баргузор гардид
ФУТБОЛ. «Равшан»-и Кӯлоб пас аз панҷ даври мусобиқаи Лигаи якум бо понздаҳ имтиёз дар садри ҷадвал аст
Дастаҳои «Хатлон», «Зебо» ва «Зебонисо» дар даври шашуми Чемпионати Тоҷикистон бар ҳарифонашон ғолиб омаданд
Дастаи мунтахаби то 19-солаи Тоҷикистон оид ба футбол ба Чемпионати Осиё-2020 омодагӣ мебинад
ФУТБОЛ. Аҳтам Назаров ба дастаи «Истиқлол»-и Душанбе баргашт
ИМРӮЗ ОЛИМПИАДАИ УМУМИҶАҲОНӢ ОИД БА ШОҲМОТ — 2020 ОҒОЗ МЕЁБАД. Бори нахуст дар таърих он дар шакли онлайн аз 22 июл то 30 август доир хоҳад шуд