Хоруғ: Хонандагон соҳиби стипендияи президентӣ шуданд

Июнь 19, 2020 09:54

ДУШАНБЕ, 19.06.2020. /АМИТ Ховар/. 18 июн дар толори калони мақомоти иҷроияи ҳокимияти давлатии Вилояти Мухтори Кӯҳистони Бадахшон маросими супоридани стипендияи президентӣ ба хонандагони муассисаҳои таҳсилоти миёнаи умумии вилоят бо иштироки Раиси вилоят Ëдгор Файзов ва Ризо Назарзода муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор гардид. Дар ин бора аз мақомоти иҷроияи ҳокимияти давлатии Вилояти Муухтори Кӯҳистони Бадахшон ба АМИТ «Ховар» хабар доданд.

Дар баробари дигар хонандагони ноҳияҳои вилоят, чор нафар хонандаи муассисаҳои таҳсилоти миёнаи умумии шаҳри Хоруғ, аз ҷумла, Шарифамо Одинамамадова, хонандаи литсейи Оғохон, Убод Абдураҳмонов, хонандаи МТМУ №11, Мафтуна Кабирова, хонандаи МТМУ №9 ва Давлатбегим Тавакалова, хонандаи МТМУ №5 ба гирифтани стипендияи президентӣ мушарраф гардиданд.

Дар баромади худ Ëдгор Файзов ва Ризо Назарзода муқаррар намудани стипендияи президентиро барои хонандагони болаëқат яке аз иқдомҳои наҷиби Пешвои муаззами миллат муҳтарам Эмомалӣ Раҳмон барои насли наврас баëн намуда, онҳоро ба худшиносию худогоҳӣ ва дӯст доштани Ватан талқин намуданд.

Дар навбати худ хонандагон ва волидайни онҳо низ баҳри зоҳир намудани чунин ғамхорӣ ба Роҳбарияти Олии давлат арзи миннатдорӣ баëн доштанд.

Баъди анҷоми чорабинӣ раиси шаҳри Хоруғ Кишвар Шамирӣ гирандагони стипендияи президентиро аз шаҳри Хоруғ ба ҳузур пазируфта, баҳри интихоби касбу ихтисоси мутобиқ ба бозори меҳнат ва дар оянда хизмати софдилона намудан ба халқу Ватан ба онҳо дастуру маслиҳатҳо доданд.

Июнь 19, 2020 09:54

Хабарҳои дигари ин бахш

Афсарону сарбозони Гвардияи миллӣ бахшида ба Рӯзи Ваҳдати миллӣ ба тамошои Осорхонаи миллӣ омаданд
«СИ ҶИНПИН ДАР БОРАИ ИДОРАКУНИИ ДАВЛАТӢ». Маҳфили китобдӯстони Тоҷикистону Чин дар Душанбе ба ин мавзуъ бахшида шуд
ТОҶИКИСТОНУ ЧИН – ШАРИКОНИ СТРАТЕГӢ. Дар Академияи миллии илмҳои Тоҷикистон дар ин мавзуъ конференсияи байналмилалӣ баргузор шуд
«ТОҶИКОНА МЕПӮШЕМ!». Бонувони Китобхонаи миллии Тоҷикистон либоси миллиро тарғиб менамоянд
Маҷаллаи «ал-Баён»-и Робитаи адибони Кувайт ашъори шоираи ҷавони тоҷик Сурайё Ҳакимоваро нашр намуд
Мутахассисони соҳаи синамои тоҷик дар Донишкадаи давлатии умумирусиягӣ ба таҳсил фаро гирифта мешаванд
ЧАКАН ДАР ПАРИЖ. Тарроҳи тоҷик рангорангӣ, ғановат ва гуногунии онро дар Ҳафтаи мӯд намоиш медиҳад
Дар Хуҷанд бо иштироки ҳайати занони Чин барномаи фарҳангӣ доир гардид
ҲАФРИЁТИ БОСТОНШИНОСӢ. Аз ёдгории Ҳалқаҷар зевари тиллоӣ кашф гардид
ҚАЛЪАИ ЯМЧУН — ҚАДИМТАРИН ДАР ОСИЁИ МАРКАЗӢ. Ин ёдгории фарҳангӣ дар ҳаҷми 4,2 миллион доллари амрикоӣ навсозӣ мегардад
Китобхонаи миллии Тоҷикистон беш аз 100 асари Пешвои миллатро дар шакли электронӣ мавриди истифодаи умум қарор дод
Мудири кулли ЮНЕСКО хонум Одри Азуле дар Осорхонаи миллии Тоҷикистон бо таъриху тамаддуни халқи тоҷик шинос шуд