Кумитаи ҳолатҳои фавқулода ва мудофиаи гражданӣ: паёмадҳои сел дар Тоҷикобод ва Душанбе бартараф гардиданд

Июнь 1, 2020 13:25

ДУШАНБЕ, 01.06.2020. /АМИТ Ховар/. Бар асари борони зиёд 30 май, тахминан соати 19:30, дар ҷамоати деҳоти Қалъаи Лаби Оби ноҳияи Тоҷикобод, дар километри 202 шоҳроҳи Ваҳдат-Рашт-Лахш-Саритош сел омада, роҳ муваққатан баста шуд. Паҳноии сел 35-40 метр ва баландии об тахминан 60-70 смро ташкил дод. Дар ин бора аз Кумитаи ҳолатҳои фавқулода ва мудофиаи гражданӣ ба АМИТ «Ховар» хабар доданд.

Кормандони бахши ноҳиявии Кумита ва масъулини дахлдори ҷамоати мазкур фавран ба ҷойи ҳодиса расида, бо ҷалби техникаҳои муҳандисии Хадамоти нақлиёт ва роҳи ноҳия, 1 адад борбардори фронталӣ, 1 адад автогрейдер ва 1 адад экскватор корҳои бартарафсозии паёмадҳои офати табииро оғоз карданд.

Соати 00:20 дақиқа шоҳроҳ пурра кушода шуда, ҳаракати ҳама гуна намуди нақлиёт таъмин карда шуд.

Ҳамчунин  31 май бар асари боридани борони пуршиддат дар пойтахти мамлакат дар кӯчаи Навободи ноҳияи Сино оби борон ба саҳни  ҳавлиҳои истиқоматии 3 (се) хоҷагии кӯчаи мазкур даромад.

Ин ҳолат аз тарафи наҷотдиҳандагони Раёсати Кумитаи ҳолатҳои фавқулода дар шаҳри Душанбе бо истифода аз таҷҳизоти обкаш бартараф карда шуд.

Ҳамин рӯз ва тақрибан дар ҳамин соат аз боди шадиду борони пуршиддат дар кӯчаҳои Абдулло Наҷмиддин, Туҳфа Фозилова  болопӯши хонаҳои истиқоматии 2 (ду) хоҷагии ин кӯчаҳо қисман зарар дидаанд.

Мутахассисони Кумитаи ҳолатҳои фавқулода дар якҷоягӣ бо Раёсати истифодабарии роҳҳои ноҳияи Фирдавсӣ бо ҷалби  1 адад техникаи боркаш  ин ҳолатро бартараф карданд.

Дар ин ҳодисаҳо талафоти ҷонӣ ва зарари ҷисмонӣ ба қайд гирифта нашудааст.

Дар ҳамин ҳол Хадамоти жолаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ дод, ки 30-31 май бо партоби 51 мушаки зиддижолаи «Алазан 6» ба 19 минтақаи аз жола осебпазири ноҳияҳои Данғара, Хуросон ва Ҳисор хавфи боридани жоларо дар ин минтақаҳо бартараф сохтанд.

Июнь 1, 2020 13:25

Хабарҳои дигари ин бахш

Ҳамкории Тоҷикистон ва Россия оид ба масоили ғизо густариш меёбад
ОБ ЗАХИРА НАМОЕД! Дар баъзе маҳаллаҳои Душанбе интиқоли оби нӯшокӣ муваққатан қатъ мегардад
АМАЛИЁТИ «ИСТГОҲ». Дар Тоҷикистон танбашавӣ ва ё дар таваққуфгоҳ нигоҳ надоштани воситаҳои нақлиёт ташвишовар боқӣ мондааст
Моҳи октябри соли 2022 WhatsApp ба таври доимӣ дар қатори смартфонҳои кӯҳна хомӯш карда мешавад
Дар корхонаи дўзандагии «Лола»-и ноҳияи Исмоили Сомонӣ 30 нафар занони хонашин бо кор таъмин шуданд
Рустам Ҳайдаров, сиёсатшинос: «Низоме, ки зан-модарро таҳқир мекунад, мубтало ба фаност!”
Қонун «Дар бораи кафолатҳои давлатии баробарҳуқуқии мардону занон ва имконияти баробари амалигардонии онҳо» баррасӣ шуд
ИМРӮЗ-РӮЗИ БАЙНАЛМИЛАЛИИ КУҲАНСОЛОН. Саргеронтологи Тоҷикистон: «Мо бояд неруи пиронсолонро чун сарвати миллии кишвар эътироф намоем»
САҲМИ ХУДРО ДАР СОХТМОНИ АСР БИГЗОР! Неругоҳи «Роғун» омода аст беш аз 2,6 ҳазор нафарро бо кор таъмин намояд
Дар Душанбе ҷаласаи Комиссияи байниидоравии танзими равандҳои муҳоҷират доир гардид
КАНАЛИ МЕЛИОРАТИВИИ ИШКОШИМ. Он барои ба гардиши кишоварзӣ ворид намудани заминҳои бекорхобида мусоидат менамояд
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Андешаҳои устодони Донишгоҳи давлатии Хоруғ дар ин маврид

Хабарҳои муҳимтарин