Кумитаи ҳолатҳои фавқулода ва мудофиаи гражданӣ: Роҳандозии корҳои таблиғотии мавсимӣ ҷиҳати риояи талаботҳои оббозӣ дар Хоруғ
ДУШАНБЕ, 18.06.2020 /АМИТ «Ховар»/. Наҷотдиҳандагони дастаи вокуниши сареъи Раёсати Кумитаи ҳолатҳои фавқулода дар Вилояти Мухтори Кӯҳистони Бадахшон бо роҳандозии чандин рейд дар боғи марказии «Чорбоғ»-и шаҳри Хоруғ бо истироҳаткунандагон дар мавриди риояи қоидаҳои будубош дар соҳили дарёҳо, ҳавзу обанборҳо, ки одатан сокинони шаҳр дар фасли тобистон ба оббозӣ машғул мешаванд, суҳбатҳои фаҳмондадиҳӣ гузарониданд. Дар ин бора аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд.
Ба иттилои манбаъ, кормандони Раёсати мазкур ба сокинон ёдрас намуданд, ки бисёр вақт наврасон бе волидайн ва пайвандони калонсолашон дар ин гуна соҳилҳо гаштугузор мекунанд ва бе огоҳии калонсолон вориди об мешаванд.
Аз сӯйи дигар, ҳодисаҳое ҳам ба қайд гирифта шудаанд, ки калонсолон дар ҳоли сархӯшӣ ба соҳили обҳо ҳозир мешаванд ва дар натиҷа наврасону кӯдаконро ба ҳоли худ мегузоранд. Ва ё худ вориди об шуда, ба ҷони хеш хатар эҷод мекунанд.
Мавриди зикр аст, ки ҳамасола кормандони наҷоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бехатарии шумораи зиёди шаҳрвандонро дар канори дарёҳо ва дигар мавзеъҳо, ки шаҳрвандон дар фасли тобистон ба оббозӣ машғул мешаванд, таъмин мекунанд. Назорати ҳамарӯза як низоми корист ва ҳадаф аз он коҳиши теъдоди ҳодисаҳои нохуш дар иншоотҳои обӣ ва марги одамон дар обҳо мебошад.
Кормандони наҷоти Кумита дар ҳар гӯша аз хоки ҷумҳурӣ миёни мардум ҳамин гуна таблиғот мебаранд ва онҳоро аз ҳодисаҳои нохӯши эҳтимолӣ ҳушдор медиҳанд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
