«ШИФО ВА ҲАМДИЛӢ». Таҳти ин шиор аз ҷониби соҳибкори ватанӣ Шамсулло Соҳибов ба беморхонаҳои шаҳру ноҳияҳои минтақаи Кӯлоб кумак дастрас гардид
ДУШАНБЕ, 08.06.2020. /АМИТ «Ховар»/. Тавре Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид менамоянд: «Шароити паҳншавии пандемияи коронавирус дар ҷаҳон ва зиёд шудани шумораи бемориҳои сироятӣ, аз ҷумла илтиҳоби шуш тақозо менамояд, ки шумораи муассисаҳои тандурустӣ дар мамлакат зиёд ва сатҳи таъмини онҳо бо таҷҳизоти зарурии муолиҷавӣ баланд бардошта шавад». Ин таъкиди Сарвари давлат аз ҷониби соҳибкорони бонангу номуси мамлакат дастгирии ҳамаҷониба ёфта, баҳри таъмини шароити зарурии табобат дар беморхонаҳои шаҳру ноҳияҳои вилояти Хатлон, корҳои бунёдкориву барқарорсозӣ ва расонидани кумакҳои навбатӣ таҳти шиори «Шифо ва ҳамдилӣ» амалӣ карда шуд.
Тавре ба АМИТ «Ховар» аз шуъбаи иттилотию таҳлилии Раиси вилояти Хатлон хабар доданд, кумаки навбатии соҳибкори ватанӣ Шамсулло Соҳибов таҳти шиори «Шифо ва ҳамдилӣ» ба беморхонаҳои шаҳру ноҳияҳои минтақаи Кӯлоб дастрас гардид. Кумаки мазкур иборат аз маводи гуногуни доруворӣ, либосҳои тиббии муҳофизатӣ, айнакҳои тиббии муҳофизатӣ, дастпӯшакҳо, ниқобҳои тиббӣ, хилъатҳо, маводҳои антисептикӣ, маводҳои поккориву тамизкорӣ ва ғайра пурра ба тариқи ройгон дар ҳузури роҳбарияти мақомоти иҷроияи ҳокимияти давлатии шаҳри Кӯлоб ба муассисаҳои тандурустии шаҳр дастрас карда шуданд.
Директори маркази тибби оилавии шаҳри Кӯлоб Амирхон Айниев иброз дошт, ки бо мақсади таъмини таҷҳизоти зарурӣ ба беморхонаи ноҳиявии Ҷамоати деҳоти «Зиракӣ»-и шаҳри Кӯлоб аз ҷониби ин соҳибкори ватанӣ ба 7 шуъбаи алоҳидаи ин беморхона хатҳои нафасгирии оксигенӣ кашида шуд, ки то ин вақт чунин шароит дар ин беморхона мавҷуд набуд. Бояд тазаккур дод, ки корҳои васлкунӣ ва пайваст намудани хатҳои нафасгирии оксигенӣ тайи як ҳафта боз дар ин беморхона ҷараён дошта, аз ҷониби мутахассисони ватанӣ анҷом дода мешавад.
Мудири шуъбаи таваллуди беморхонаи ноҳиявии Кӯлоб Ҳусния Ғафурова зикр намуд, дар ин давраи ҳассос, ки тамоми дунё, аз ҷумла Тоҷикистони моро низ фаро гирифта буд, аз ҷониби Ҳукумати мамлакат ва хосатан бо дастури Пешвои миллат муҳтарам Эмомалӣ Раҳмон ба тамоми беморхонаҳои кишвар, аз ҷумла ба беморхонаи ноҳиявии Кӯлоб иловатан ду таҷҳизоти наву замонавии нафасдиҳӣ дастрас гардонида шуд, ки дар мубориза бо бемориҳои сироятӣ кумаки арзанда аст. Бо мақсади таъмини шароити зарурӣ бо дастури Сарвари давлат муҳтарам Эмомалӣ Раҳмон дар ин беморхона иловатан боз 40 хати нави нафасдиҳии сунъӣ дар ҳуҷраҳои махсуси табобатӣ васл гардид, ки иқдоми мазкур аз ҷониби табибони шаҳри Кӯлоб ба хушнудӣ пазируфта шуд.
Бино ба иттилои манбаъ, корҳои васлкунӣ дар беморхонаи сироятии шаҳри Кӯлоб низ оғоз гардида, дар ҳуҷраҳои табобатӣ 40 хати нави нафасдиҳии оксигенӣ кашида мешавад, ки иқдоми мазкур аз ҷониби аҳли кормандони соҳаи тиб ва сокинони шаҳри Кӯлоб ба хушнудӣ пазируфта шуд.
Бояд гуфт, ки таъмини шароити арзанда дар муассисаҳои тандурустии шаҳру ноҳияҳои вилояти Хатлон ва умуман, Ҷумҳурии Тоҷикистон, ҳамеша зери таваҷҷуҳи Ҳукумати мамлакат хосатан Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, сиёсати мазкур аз ҷониби соҳибкорони бонангу номуси мамлакат дастгирии ҳамаҷониба меёбад.
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
