Шумораи зангҳо ба рақами кӯтоҳи 311 ва 511 коҳиш ёфтааст
ДУШАНБЕ, 19.06.2020 /АМИТ «Ховар»/. Рӯзҳои охир шумораи зангҳо ба рақами кӯтоҳи 311 ва 511 рӯ ба камшавӣ аст, хабар медиҳад АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Бино ба иттилои манбаъ, агар қаблан танҳо дар як шабонарӯз ба телефони боварии 311 беш аз 2 ҳазор занги телефонӣ қабул мешуд, ҳоло бошад, ин рақам ба 489 расидааст.
Тавре қаблан иттилоъ дода будем, бо мақсади мубориза бар зидди бемории сироятии COVID -19 ва табобати сироятёфтагон ду маркази машваратии тиббии боварӣ аз ҷониби Вазорати тандурустӣ ва ҳифзи иҷтимоии аҳолии мамлакат таҳти рақами кӯтоҳи 311 ва 511 фаъол гардиданд. Телефони боварии 511 моҳи март ва рақами 311 пас аз тасдиқ шудани ҳолати бақайдгирии коронавирус 5 майи соли равон ба фаъолият оғоз намуданд. Аз оғози таъсисёбӣ то имрӯз шумораи зиёди мардум ба ин рақамҳо занг зада, доир ба бемории COVID-19 ба саволҳои худ посух гирифтанд. Ин рақамҳо ба таври шабонарӯзӣ фаъол буда, дар он мутахассисони варзидаи соҳаи тиб ба кор ҷалб шудаанд.
Бояд гуфт, ки коҳиш ёфтани муроҷиати шаҳрвандони мамлакат ба телефонҳои боварии 511 ва 311 гувоҳи он аст, ки дар ҷумҳурӣ шумораи гирифторон ба COVID-19 коҳиш ёфтааст.
Ёдовар мешавем, ки то 18 июн 5279 нафар бо ташхиси сирояти коронавируси нави COVID-19 ошкор гардида, аз ин шумора то кунун 3762 (71.2%) нафар шифо ёфта, 51 нафар фавтидаанд.
Акс аз бойгонии АМИТ «Ховар»
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Самтҳои афзалиятноки ҳамкорӣ дар соҳаи таҳсилоти касбӣ бо Намояндагии ЮНИСЕФ дар Тоҷикистон баррасӣ гардид
ҶОИЗАИ БАЙНАЛМИЛАЛИИ АБУАЛӢ ИБНИ СИНО. Нобиғае, ки аз замони худ садсолаҳо пештар меандешид
Ширкати «IRS»: «Ҳаракати нақлиёт дар роҳи Душанбе – Чаноқ таъмин аст»
ШАРБАТИ САЛОМАТӢ. Олимони тоҷик истеъмоли онро барои пешгирии бемориҳои камхунӣ, ҷоғар ва диабет тавсия медиҳанд
СИРИШТИ СИНОИИ ПЕШВОИ МИЛЛАТ. Дар ҳошияи таъсиси Ҷоизаи байналмилалии Абуалӣ ибни Сино дар соҳаи тиб
«ТОБИСТОН-2026». Дар Суғд барои шавқовар баргузор намудани истироҳати тобистонаи кӯдакон ва наврасон тадбир меандешанд
РӮЗИ БАЙНАЛМИЛАЛИИ ҲИФЗИ КӮДАКОН. Падару модар дар таълиму тарбияи кӯдак чӣ уҳдадорӣ ва ҳуқуқ доранд?
Дар Душанбе ғолибони Фестивали ҷумҳуриявии «Малакаҳои касбӣ» қадрдонӣ гардиданд
Дар даври ниҳоии Фестивали ҷумҳуриявии «Малакаҳои касбӣ» 370 хонандаю донишҷӯ иштирок менамоянд
«Барномаи пешгирӣ ва назорати диабети қанд дар Ҷумҳурии Тоҷикистон барои солҳои 2026-2030». Барои пешгирӣ аз ин беморӣ чӣ бояд кард?
РАҚАМИКУНОНИИ СОҲАИ ХИЗМАТИ ДАВЛАТӢ. Кормандони соҳаи хизмати давлатӣ дар Беларус такмили таҷриба менамоянд
