Тоҷикистон моҳҳои октябр ва ноябр бо дастаҳои мунтахаби Муғулистон, Япония ва Мянма рақобат мекунад
ДУШАНБЕ, 08.06.2020 /АМИТ «Ховар»/. КФО дар машварат бо ФИФА рӯзҳои доиршавии рақобатҳои ояндаи даври муқаддамотии Ҷоми ҷаҳон 2022-ро муайян карданд. Ҳамин тариқ, бозиҳои даври 7-ум ва 8-ум рӯзҳои 8-ум ва 13-уми октябри соли равон баргузор мегарданд. Хотиррасон мешавем, ки ин вохӯриҳо бояд моҳи март ва июн гузаронида мешуданд, аммо бо сабаби бемори коронавирус ба таъхир гузошта шуданд. Қобили зикр аст, ки дастаи мунтахаби Тоҷикистон, ки шомили гурӯҳи «F» аст, бояд рақобаташро санаи 8 октябр бо дастаи мунтахаби Муғулистон доир кунад. Боз ду рақобати дигарро шогирдони Усмон Тошев бо дастаҳои мунтахаби Япония (12 ноябр, дар меҳмонӣ) ва бо Мянма (17 ноябр, дар хона) баргузор мекунанд. Мавзӯъро мазкуро шореҳи варзиши АМИТ «Ховар» Меҳрони Қурбон шарҳ медиҳад.
Ёдовар мешавем, ки 19 ноябри соли 2019, дар варзишгоҳи Долен Омурзоқови шаҳри Бишкек бозии даври 6-уми мусобиқоти интихобии Ҷоми ҷаҳон-2022 дар гурӯҳи «F» байни дастаҳои футболи мунтахаби Қирғизистон ва Тоҷикистон дар як сатҳи баланду хотирмон баргузор гардида буд, ки дар ин рақобти ҷолиб дастаи мунтахаби футболи Тоҷикистон бо дастаи мунтахаби Қирғизистон баробар бози намуда ин сабқат бо ҳисоби мусовӣ 1:1 хотима ёфта буд.
Қобили зикр аст, ки шогирдони Усмон Тошев дар ду бозии марҳилаи интихобии Чемпионати ҷаҳон-2022 дар гурӯҳи «F» бар дастаҳои мунтахаби Қирғизистон ва Муғулистон бо ҳисоби якхелаи 1:0 пирӯз шуда, аз дастаи мунтахаби Япония бо ҳисоби 0:3 мағлуб гаштааст.
Дастаи мунтахаби Япония ба ҷуз аз дастаи мунтахаби Тоҷикистон дар ду бозии дигар дастаи мунтахаби Мянмаро бо ҳисоби 2:0 ва дастаи мунтахаби Муғулистонро бо ҳисоби 6:0 шикаст додааст.
Ба ин тартиб, футболбозони Япония, ки бо 12 имтиёз дар ҷадвали гурӯҳи «F» мақоми аввалро касб намудаанд, довталаби асосӣ барои дарёфти роҳхат ба марҳилаи сеюми мусобиқот мебошанд.
Дастаҳои мунтахаби Қирғизистон ва Тоҷикистон ҳафтимтиёзӣ гирифтаанд. Бо дарназардошти таносуби беҳтари тӯбҳо дастаи мунтахаби Қирғизистон дар ҷойи дуюм ва дастаи мунтахаби Тоҷикистон дар ҷойи сеюм қарор доранд. Дастаи мунтахаби Мянма бо шаш имтиёз дар ҷойи чаҳорум аст.Футболбозони Муғулистон бошад, бо се имтиёз дар зинаи охирин – панҷум – ҷойгир шудаанд.
Дар марҳилаи дуюми интихобии Чемпионати ҷаҳон-2022 ҳамагӣ 40 даста ширкат доранд. Ҳашт ғолиби гурӯҳ ва чаҳор дастаи нишондиҳандаҳояшон хубтари ҷойҳои дуюм ба марҳилаи сеюми интихобии Чемпионати ҷаҳон-2022 роҳ пайдо намуда, инчунин соҳиби роҳхатҳо ба Ҷоми Осиё-2023 мешаванд.
| Б | Ғ | М | М | Г | И | ||
| 1 | Япония | 4 | 4 | 0 | 0 | 13-0 | 12 |
| 2 | Қирғизистон | 5 | 2 | 1 | 2 | 10-5 | 7 |
| 3 | Тоҷикситон | 5 | 2 | 1 | 2 | 6-8 | 7 |
| 4 | Мянма | 5 | 2 | 0 | 3 | 5-13 | 6 |
| 5 | Монголия | 5 | 1 | 0 | 4 | 2-10 | 3 |
Ба дастаи мунтахаби Тоҷикистон дар бозиҳои дар пеш истода муваффақиятҳои беназиро орзумандем…. Тоҷикистон ба пеш!
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
