«Амонатбонк» барои рушди соҳаи сайёҳӣ ва ҳунарҳои мардумӣ 3,4 миллион сомонӣ қарз пешниҳод намуд

Июль 21, 2020 13:00

ДУШАНБЕ, 21.07.2020. /АМИТ «Ховар»/. Дар робита ба эълон гардидани солҳои  2019-2021  Солҳои  рушди деҳот, сайёҳӣ ва ҳунарҳои  мардумӣ  ва ҷиҳати саҳм гузоштан дар рушди соҳаи сайёҳии мамлакат, эҳёи анъанаҳои миллӣ ва рушди минбаъдаи ҳунарҳои мардумӣ   Бонки давлатии амонатгузории Ҷумҳурии Тоҷикистон «Амонатбонк» аз ҳисоби захираҳои худӣ имсол ба 178 нафар соҳибкор  ба маблағи 3,4 миллион сомонӣ маблағҳои қарзӣ пешниҳод намудааст.

Раиси Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ  имрӯз зимни нишасти матбуотӣ дар ҷамъи хабарнигорон гуфт, ки  сандуқи қарзии Бонки давлатии амонатгузории Ҷумҳурии Тоҷикистон «Амонатбонк» 691,2 миллион сомонӣ ва теъдоди қарзгирон аз рӯи бақия  беш аз 32 ҳазору 400 нафарро  ташкил медиҳад, ки аз ин ба соҳаҳои  саноат 14 фоиз, кишоварзӣ 24 фоиз, истеъмолӣ 16 фоиз, сохтмон 7,4 фоиз, тиҷорат 27,1 фоиз, нақлиёт 9,4 фоиз  ва дигар хизматрасониҳо,  аз қабили сайёҳӣ, тандурустӣ, хӯроки умумӣ 3,1 фоиз рост меояд.

Сироҷиддин Икромӣ зимни натиҷагирӣ аз фаъолияти Бонки давлатии амонатгузории  Ҷумҳурии Тоҷикистон  «Амонатбонк» дар шашмоҳаи аввали соли равон зикр кард, ки бонки мазкур  ба 22 ҳазор корхонаю ташкилот ва 743 ҳазор нафар  нафақагирони мақомоти  ҳифзи иҷтимоии аҳолӣ  ва ҳифзи ҳуқуқ беш аз 1,6 миллион нафар  пасандозгузорон  тавассути 75 филиал  ва 546 маркази хизматрасонии бонкӣ бо шумораи 2800 нафар кормандон дар саросари  мамлакат хизмат мерасонад.

Зикр гардид, ки то 30 июни соли равон дороиҳои Бонки давлатии амонатгузории Ҷумҳурии Тоҷикистон «Амонатбонк»  4,2 миллиард сомонӣ ва уҳдадориҳояш  3,8 миллиард сомониро ташкил дода, пардохтпазирии бонк  дар сатҳи баланд нигоҳ дошта шуда, маблағҳо сари вақт ба ҳисобҳои  дахлдор гузаронида шуданд. Инчунин дар ин давра сармояи Бонк  ба андозаи 6,6 фоиз афзоиш ёфта, ба 444,6 миллион сомонӣ  баробар гардида, даромади софи бонк 23,9 миллион сомониро ташкил дод, ки нисбат ба ҳамин давраи соли гузашта  17,5 фоиз  зиёд мебошад.

Июль 21, 2020 13:00

Хабарҳои дигари ин бахш

«Мадади Шарқ», «Амир саёҳат» ва «Сайри Шоҳин» вориди бозори сайёҳии Тоҷикистон гардиданд
Намояндагони вилояти Хатлон бо сафари корӣ ба вилояти Сурхондарёи Ҷумҳурии Узбекистон рафтанд
Ғолибони озмуни «Ихтироъкори беҳтарини Тоҷикистон» муайян гардиданд
Ширкати хориҷии «Apple Distribution International Limited» дар Тоҷикистон аввалин шуда, аз даромад аз ҳисоби хизматрасонии электронӣ андоз пардохт намуд
80 фоизи ширкатҳои сайёҳиро дар Тоҷикистон ҷавонон роҳбарӣ мекунанд
Дар судҳои иқтисодии Тоҷикистон беш аз 2 ҳазор адад парванда баррасӣ шуд
Бонки миллии Тоҷикистон тавонист сиёсати қурбии худро нигоҳ дорад,-бардошт аз нишасти матбуотӣ
Ҳоким Холиқзода: Рушди иқтисодиёти Тоҷикистон муътадил арзёбӣ мегардад
Сироҷиддин Икромӣ: Дороиҳо ва сармояи «Амонатбонк» афзудаанд
Захираи маҳсулоти кишоварзӣ барои солҳои 2021-2022 аз нимаи моҳи сентябр оғоз мешавад
Дар Суғд ва Хатлон филиали Донишкадаи сайёҳӣ, соҳибкорӣ ва хизмат таъсис дода мешавад
Бонки миллии Тоҷикистон пулҳои коғазии 20 ва 50-сомонии намунаи соли 2021-ро ба муомилот мебарорад

Маводҳои таҳлилӣ