«Ҷашни Сада», «Кашидадӯзӣ», «Рубоб» ва «Латифаҳои Насриддин Афандӣ» ба мероси фарҳангии ғайримоддии ЮНЕСКО пешниҳод гардиданд

Июль 24, 2020 11:00

 ДУШАНБЕ, 24.07.2020. /АМИТ «Ховар»/. Дар шашмоҳаи аввали соли равон аз ҷониби олимони Пажӯҳишгоҳи илмӣ-тадқиқотии фарҳанг ва иттилоот бо ҳамкории Комиссияи миллии Ҷумҳурии Тоҷикистон оид ба корҳои ЮНЕСКО маҷмӯи ҳуҷҷатҳои номинатсияҳои «Рубоб» ҳамроҳ бо Ҷумҳурии Исломии Эрон ва Ҷумҳурии Ӯзбекистон, «Ҷашни Сада» бо Эрон, «Кашидадӯзӣ» якҷоя бо Ӯзбекистон ва Қазоқистон,  ва «Латифаҳои Насриддин Афандӣ» ҳамроҳ бо Туркия, Озарбойҷон, Қирғизистон, Қазоқистон, Туркманистон ва Ӯзбекистон омода гашта, ба ЮНЕСКО фиристода шуданд.

Дар ин бора имрӯз Вазири фарҳанги Ҷумҳурии Тоҷикистон Зулфия Давлатзода дар нишасти матбуотӣ иттилоъ дод.

«Вобаста ба номинатсияи миллии «Фалак», ки қаблан ба Комиссияи ҳифзи мероси фарҳангии ғайримоддии ЮНЕСКО пешниҳод гардида буд, аз ҷониби комисияи  мазкур иттилоъ доданд, ки парвандаи «Фалак» тибқи банди 54-и дастурамали амалиёти Конвенсияи мазкур арзёбӣ шуда, аз нигоҳи техникӣ комил ба шумор меравад. Дар марҳилаи ғайринавбатии номинатсия он аз ҷониби мақомоти Комиссияи ҳифзи мероси фарҳангии ғайримоддии ЮНЕСКО мавриди омӯзиш қарор гирифта, баъдан ба кумитаи байниҳукуматии созмон барои баррасӣ дар Иҷлосияи 16-уми он дар соли 2021  пешниҳод мегардад»,- афзуд вазир.

Зулфия Давлатзода  дар нишаст зикр намуд, ки дар давраи ҳисоботӣ лоиҳаи «Барномаи давлатии ҳифзи мероси таърихию фарҳангӣ барои солҳои 2021-2025» омода гардида, баъди мувофиқа бо вазорату идораҳои дахлдори мамлакат ба Ҳукумати Ҷумҳурии Тоҷикистон пешниҳод карда шуд. Инчунин дар доираи лоиҳаи «Барномаи давлатии ҳифзи мероси ғайримоддии фарҳангии халқи тоҷик» барои солҳои 2021 – 2025 лоиҳаи «Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021–2025» таҳия гардид.

«Вобаста ба пешгирии қочоқи сарватҳои таърихию фарҳангӣ, инчунин оид ба андешидани тадбирҳо барои саҳм гузоштан дар ҳифзу таҳкими сулҳу суботи мамлакат, кормандони вазорат дар якҷоягӣ бо кормандони Вазорати корҳои дохилӣ ва Хадамоти гумруки назди Ҳукумати Ҷумҳурии Тоҷикистон 25 ташхиси соҳавиро ба анҷом расониданд, ки 9 адад мансуб ба қочоқи сарватҳои таърихию фарҳангӣ, тарғиб ва паҳн намудани маводи номатлуб дар ҷомеа мебошад»,- иброз дошт Зулфия Давлатзода .

Дар нишаст зикр гардид, ки паҳншавии бемории сироятии коронавируси COVID-19 ба соҳаи фарҳангу ҳунар низ бетаъсир намонд. Вобаста ба ин Вазорати фарҳанг ва муассисаҳои зерсохтори он бо дарки амиқи хатарзои будани ин вабо пайваста дар паҳлӯи мардум буда, ба сабру таҳаммул ва эҳсоси рӯҳбаландӣ ба фардои нек даъват намуда, тақрибан 70 ҳазор сомонӣ ба фонди мубориза бо бемории COVID-19 гузарониданд.

Инчунин дар якҷоягӣ бо Муассисаи давлатии «ТВ Сафина» дар давраи пандемия саҳнаҳои театришударо сабт намуда, пешкаши тамошобинон гардониданд.

Июль 24, 2020 11:00

Хабарҳои дигари ин бахш

Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид
22 июл дар Тоҷикистон нишастҳои матбуотии вазорату идораҳо оғоз мегарданд
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид