COVID-19. ҶДММ «Хрустал» ба муассисаҳои тандурустии Вилояти Мухтори Кӯҳистони Бадахшон кумак намуд
ДУШАНБЕ, 11.07.2020 /АМИТ «Ховар»/. Баҳри пешгирӣ аз паҳншавии бемории сироятии COVID-19 ва табобати он ҶДММ «Хрустал» ба муассисаҳои тандурустии Вилояти Мухтори Кӯҳистони Бадахшон кумаки навбатӣ расонид, ки он аз либосҳои бисёркаратаи муҳофизатӣ, ниқобу маҳлулҳои зиддисептикӣ ва доруворӣ иборат мебошад. Дар ин бора ба АМИТ «Ховар» аз мақомоти иҷроияи ҳокимияти давлатии ВМКБ хабар доданд.
«Баҳри пешгирӣ аз паҳншавии бемории сироятии COVID-19 ва табобати он дар баробари мақомоти давлатӣ ҳамчунин бахши хусусӣ низ нақши муассир мегузоранд. Дар чанд ҳафтаи охир сироятёбӣ ба ин вирус бамаротиб паст шудааст, аммо табибон ба сокинон ҳушдор медиҳанд, ки то пирӯзии комил ба он аз чораҳои худмуҳофизатӣ даст накашанд»,- афзуд манбаъ.
Раиси вилоят Ёдгор Файзов зимни қабули кумак иброз дошт, ки маҳз муборизаи муштараки мақомоти давлатӣ, бахши хусусӣ ва шарикони рушд буд, ки ҷумҳурии мо тавонист аз паҳншавии густурдаи ин беморӣ пешгирӣ намояд ва вазиятро ба эътидол оварад.
Сардори раёсати тандурустии вилоят Фарид Музаффаров зикр кард, ки ин ҷаъмият ба муассисаҳои табобатии вилоят 10 ҳазор ниқоб, 179 дона либосҳои бисеркаратаи муҳофизатӣ, маҳлулҳои зиддисептикию доруворӣ тақдим намудааст. Ҳамаи ин маводҳо дар анборхона захира карда мешаванд ва дар ҳолати зарурӣ ба муассисаҳои табобатӣ дастрас карда мешаванд.
«Зеро назар ба таҳлилҳои коршиносони соҳаи тиб бемории COVID-19 ба як бемории маъмулии табдил ёфтааст ва имкон дорад, ки дуввумбора ҳам хуруҷ кунад. Алъон дар ҷаҳон барои табобати ин беморӣ ягон намуди воксина аз тарафи олимони сироятшинос тасдиқ нашудааст ва ягона роҳи наҷот аз ин он истифодаи ниқоб ва риояи гигиенаи шахсӣ мебошад»,- илова кард номбурда.
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
