Дар Муъминобод ба пешвози 29-умин солгарди Истиқлолияти давлатӣ 15 иншоотро мавриди баҳрабардорӣ қарор медиҳанд

Июль 10, 2020 09:50

ДУШАНБЕ, 10.07.2020. /АМИТ «Ховар»/. Ба истиқболи 30-солагии Истиқлолияти давлатии Ҷумҳурии Тоҷикистон дар ноҳияи Муъминобод беш аз 300 иншооти таъйиноти гуногун бунёд мешавад. То ҷашни 29-умин солгарди Истиқлолияти давлатӣ дар ноҳия сохтмони 15 иншоот ба анҷом расида, мавриди баҳрабардорӣ қарор мегиранд.

Тавре мудири бахши меъморӣ ва шаҳрсозии ноҳияи мазкур Фирдавс Зарифов ба хабарнигори АМИТ «Ховар» иттилоъ дод, аз иншооти сохташаванда 3 адад ба соҳаи маориф, 9 адад ба тандурустӣ, ду бино ба фарҳанг, се коргоҳи истеҳсолӣ, 7 марказҳои  хизматрасонии маишӣ, 5 коргоҳи коркарди меваю сабзавот ва майдончаҳои  варзишию дигар биноҳои маъмурӣ рост меоянд.

Тибқи иттилои номбурда, дар иншооти дигар корҳои сохтмонӣ бомаром идома дошта, ба ин восита  даҳҳо нафар сокинони ноҳия бо ҷой кор таъмин гардиданд.

Масъулини ноҳия барои сари вақт ва бо сифати баланд сохта ба истифода супоридани иншооти боқимонда масолеҳи сохтмонӣ ва таҷҳизоту лавозимоти зарурӣ дастрас намуда, мутахассисон корро дар ду баст ташкил намудаанд.

Иншооти мазкур бо маблағҳои Ҳукумати мамлакат, мақомоти иҷроияи ҳокимияти вилояти Хатлон, мақомоти иҷроияи ҳокимияти давлатии ноҳия ва ҷалби соҳибкорон сохта ба истифода дода мешавад, ки то имрӯз зиёда аз 40 фоизи корҳои сохтмонӣ  ба итмом расидаанд.

 

ДАР АКС: Муассисаи таҳсилоти миёнаи умумии рақами 6-и н. Муъминобод. АКС аз Хадамоти матбуоти Президенти Ҷумҳурии Тоҷикистон

Июль 10, 2020 09:50

Хабарҳои дигари ин бахш

Президенти мамлакат Эмомалӣ Раҳмон бинои Шуъбаи минтақавии Раёсати Агентии назорати давлатии молиявӣ ва мубориза бо коррупсия дар водии Зарафшони вилояти Суғдро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳраки Саразми шаҳри Панҷакент Муассисаи таҳсилоти миёнаи умумии № 72-ро ифтитоҳ карданд
Дар Ишкошим 24 корманди давлатӣ соҳиби хона шуданд
Кумитаи андоз ба Муассисаи давлатии «Хона-интернати бемориҳои рӯҳии ноҳияи Восеъ» кумак расонид
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Бо кумаки соҳибкор Ҳикматулло Собиров 300 хоҷагии деҳаҳои Сабзазор ва Навбунёди Тоҷикобод бо оби нӯшокӣ таъмин гаштанд
Истиқболи Сарвари давлат Эмомалӣ Раҳмон дар фурудгоҳи шаҳри Панҷакент ва ба истифода додани Беморхонаи марказӣ
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкори маҳаллӣ ба беморхонаи марказии ноҳияи Темурмалик мошини ёрии таъҷилӣ туҳфа кард
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкор Бахтиёр Мансуров дар Исфара маҷмааи варзишӣ бунёд намуд
Инъикоси ҷашни 29-умин солгарди Истиқлолияти давлатии Тоҷикистон дар ВАО-и Миср
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: Дар Левакант Парчами давлатӣ бо баландии 41 метр сохта шуд
Табрикоти роҳбарони кишварҳои хориҷӣ ва шахсиятҳои маъруф ба Президенти Ҷумҳурии Тоҷикистон ба муносибати Рӯзи истиқлоли Ҷумҳурии Тоҷикистон
Нигина Ализода, муовини якуми Вазири адлия: «Санадҳои қабулгардида Тоҷикистонро ба ҷомеаи ҷаҳонӣ ҳамчун давлати соҳибистиқлол, ҳуқуқбунёд, демократӣ ва дунявӣ муаррифӣ намуданд»