Дар як зумра шаҳрҳои Тоҷикистон низоми муосири назорат ва ҳисоби нерӯи барқ ба роҳ монда мешавад
ДУШАНБЕ, 13.07.2020 /АМИТ «Ховар»/. Дар доираи лоиҳаи «Барномаи рушди соҳаи энергетика» ҷорӣ намудани низоми муосири назорат ва ҳисоби нерӯи барқ дар шаҳрҳои Душанбе, Панҷакент, Истаравшан, Исфара, Конибодом, Бӯстон ва ноҳияи Данғара татбиқи шартномаи идоракунии беруна дар ҶСК «Шабакаҳои тақсимоти барқ» ва дастгирии буҷети давлатӣ пешбинӣ гардидааст. Дар ин бора имрӯз зимни нишасти матбуотии Вазорати энергетика ва захираҳои оби Ҷумҳурии Тоҷикистон муовини вазир Ҷамшед Шоимзода ба хабарнигорон иттилоъ дод.
Дар идома мавсуф тазаккур дод, ки дар ин робита аз ҷониби Бонки Рушди Осиё барои маблағгузории барнома 105 млн. доллари ИМА маблағ ҳамчун грант пешбинӣ карда шудааст. Аз он 70 млн. доллари ИМА барои кам намудани талафоти энергияи барқ, 15 млн. доллари ИМА барои маблағгузории шартномаи идоракунӣ дар ҶСК «Шабакаҳои тақсимоти барқ» ва 20 млн. доллари ИМА барои дастгирии буҷети давлатӣ равона карда хоҳад шуд. Илова бар ин, дар доираи лоиҳаи мазкур барои ҷорӣ намудани низоми назорат ва ҳисоби нерӯи барқ, Бонки аврупоии таҷдид ва рушд 25 млн. доллари ИМА ба сифати қарзи имтиёзнок пешниҳод менамояд.
Зикр гардид, ки дар нимсолаи якуми соли равон истеҳсоли нерӯи барқ дар ҷумҳурӣ 10 млрд. 243,2 млн. кВт. соатро ташкил дод, ки ин нисбат ба ҳамин давраи соли 2019, 112 млн. кВт. соат зиёд буда, суръати афзоиш 101,1 фоиз таъмин карда шуд (бо дарназардошти 280 адад НБО-и хурд).
Ҳаҷми умумии содироти нерӯи барқи бафурӯшбаровардашуда дар давраи ҳисоботӣ 912, 4 млн. кВт. соатро ташкил дод, (аз он 2,8 млн. кВт. соат аз ҳисоби ширкати «Помир -Энерҷӣ»), ки ин нисбат ба ҳамин давраи соли 2019 345 млн. кВт. соат кам буда, суръати афзоиш 72,5 фоизро ташкил дод.
Ҷ. Шоимзода афзуд, ки вазорат дар баробари бунёди неругоҳҳои барқи обии нав, ба масъалаи барқарор намудани иқтидорҳои мавҷуда таваҷҷуҳи хосса зоҳир менамояд. Айни ҳол таҷдиди неругоҳҳои «Сарбанд», «Қайроққум» ва марҳилаи якуми таҷдиди неругоҳи барқи обии «Норак» идома доранд, ки баъди таҷдиди пурра, тавоноии ин се неругоҳ нисбат ба тавоноии воқеии имрӯзаи онҳо, афзоиш хоҳад ёфт.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
