Дилшод Назаров дар ҷаласаи фосилавии роҳбарияти мақомотҳои соҳаи тарбияи ҷисмонӣ ва варзиши кишварҳои ИДМ иштирок намуд

Июль 7, 2020 16:55

ДУШАНБЕ, 07.07.2020 /АМИТ «Ховар»/.  Аз 4 то 11 сентябри соли равон дар шаҳри Қазони Федератсияи Россия 1-умин Бозиҳои давлатҳои ИДМ дар соли 2020 баргузор мегардад. Дар ин бора 6 июл зимни ҷаласаи фосилавии роҳбарияти мақомотҳои тарбияи ҷисмонӣ ва варзиши Иттиҳоди Давлатҳои Мустақил, ки дар он муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилшод Назаров низ иштирок дошт, садо дод.

Тавре аз Кумитаи кор бо ҷавонон ва варзиш ба АМИТ «Ховар» иттилоъ доданд, дар ин Бозиҳо иштироки дастаи мунтахаби варзишгарони ҷавони Ҷумҳурии Тоҷикистон дар назар аст.

Бояд тазаккур дод, ки дар бозии мазкур тақрибан 3500 нафар варзишгарони аз 14 то 23-сола аз 11 кишвари ИДМ — Арманистон, Беларус, Қазоқистон, Қирғизистон, Молдова, Озарбойҷон, Россия, Тоҷикистон, Туркманистон, Ӯзбекистон ва Украина иштирок мекунанд.

Дар  1-умин Бозиҳои давлатҳои ИДМ аз рӯйи 21 навъи варзиш барои 280 маҷмӯи медалҳо мубориза мебаранд. Дар он намудҳои варзиш, монанди ҷудо, самбо, волейболи соҳилӣ, ҳандболи соҳилӣ, футзал, бокс, бокси тайландӣ, шоҳмот, рақси варзишӣ, шамшербозӣ, каратэ, варзиши сангбардорӣ, армрестлинг (дастхобонӣ), мас-реслинг, гуштии озод, гуштии юнонӣ-румӣ, гуштии камарбандӣ, варзиши сабук ва баскетбол дохиланд.

Мавриди зикр аст, ки Қазон яке аз шаҳрҳои дар соҳаи варзиш рушдкардаи Россия, инчунин яке аз пешсафон оид ба теъдоди пирӯзиҳо дар намудҳои мухталифи варзиш ба шумор меравад. Бозиҳои кишварҳои аъзои ИДМ дар ду сол як бор баргузор мешаванд. Дар доираи мусобиқот ҳамоиши «ИДМ – марзи варзиш» доир мегардад.

Ёдовар мешавем, ки 25 октябри соли 2019 ҳайати Ҷумҳурии Тоҷикистон бо роҳбарии Сарвазир Қоҳир Расулзода дар ҷаласаи Шӯрои сарони ҳукуматҳои Иттиҳоди Давлатҳои Мустақил дар шаҳри Москва иштирок намуд. Зимни ҷаласа сарвазирони давлатҳои ИДМ дар бораи Бозиҳои кишварҳои ИДМ ва дигар барномаҳоро ба имзо расонидаанд.

Июль 7, 2020 16:55

Хабарҳои дигари ин бахш

Сомон Турсунзода дар Мусобиқаи байналмилалӣ оид ба ҷиу-ҷитсу дар Узбекистон соҳиби медали тилло гардид
ЧЕМПИОНАТИ ҶАҲОН ОИД БА ҶУДО 2024: Эмомалӣ Нуралӣ ба марҳилаи ниманиҳоӣ роҳ ёфт
Ҳайати дастаи мунтахаби Тоҷикистон оид ба футбол барои бозиҳои интихобии Ҷоми ҷаҳон-2026 муайян шуд
Дастаи мунтахаби Тоҷикистон оид ба футбол дар Давҳа ҷамъомади тамринӣ мегузаронад
Дар Мусобиқаи 2-юми ҷаҳонии интихобии олимпӣ оид ба бокс дар Тайиланд нуҳ варзишгари тоҷик иштирок менамоянд
Дар Душанбе зиёда аз 55 ҳазор нафар дар Дави миллӣ ва беш аз 1600 нафар дар марафони велосипедронӣ иштирок намуданд
Имрӯз дар Тоҷикистон Дави миллӣ ва марафони велосипедронӣ баргузор мегардад
Дар ноҳияи Бобоҷон Ғафуров бахшида ба Рӯзи ҷаҳонии футбол фестивал баргузор шуд
Пагоҳ дар Тоҷикистон Дави миллӣ ва марафони велосипедронӣ баргузор мегардад
Рушди дипломатияи варзишӣ ташаббуси нави ҷаҳонии Тоҷикистон аст
БАХШИДА БА РӮЗИ БАЙНАЛМИЛАЛИИ ФУТБОЛ. Дар Душанбе фестивали варзишӣ баргузор мешавад
19 май дар Тоҷикистон Дави миллӣ ва марафони велосипедронӣ баргузор мегардад