Гурӯҳи муштараки корӣ барои омӯзиши вазъи деҳаҳои зарардида аз заминларза ба Тоҷикобод сафар кард
ДУШАНБЕ, 08.07.2020 /АМИТ «Ховар»/. Бар асари заминларзае, ки 4 июли соли равон дар мамлакат ба амал омад, чанд хона дар деҳаи дараи Нушори ноҳияи Тоҷикобод зарар диданд. Барои омӯзиши вазъ ва арзёбии зарари расида аз заминларза гурӯҳи корӣ, ки ба он кормандони Кумита ҳолатҳои фавқулода, Академияи илмҳо, Кумитаи меъморӣ ва сохтмони назди Ҳукумати Ҷумҳурии Тоҷикистон ва Сарраёсати геологияи назди Ҳукумати Ҷумҳурии Тоҷикистон шомил гардидаанд, ба деҳаҳои зарардидаи ноҳияи Тоҷикобод сафар карданд. Дар ин бора аз Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд.
Бино ба маълумоти Комиссияи ҳолатҳои фавқулода, ки дар маҳалли ҳодиса фаъолият дорад, алҳол зарари расида ба хонаҳои истиқоматии сокинони ҷамоати Нушор, деҳаҳои Ширинчашма, Сари Най ва Себистон, Ғанишоб ва Сафедоб баррасӣ мешавад. Гуфта мешавад, ки дар ин деҳаҳо манзили баъзе сокинон қисман зарар дидаанд.
Аъзои ҳайати гурӯҳ бо сокинон мулоқот анҷом дода, иброз доштанд, ки Сарвари давлат ва Ҳукумати мамлакат барои зудтар бартараф намудани оқибатҳои заминларза дар минтақаи мазкур супориши махсус доданд. Ҳамчунин дар ҷараёни суҳбатҳо андешаву пешниҳоди сокинон ҷиҳати зудтар бартараф кардани оқибатҳои заминларза шунида шуданд.
Тавре каблан АМИТ «Ховар» иттилоъ дода буд, 4 июл, соати 14:53 дар Тоҷикистон заминларза ба қайд гирифта шуд. Бино ба маълумоти Институти зилзиласанҷии мамлакат, маркази ин заминларза дар 201 километрии қисмати шимолу шарқии шаҳри Душанбе, дар қаламрави ноҳияи Тоҷикобод буд. Қувваи заминларза дар маркази он 5 ва дар шаҳри Душанбе 3 баллро ташкил дод.
Талафоти ҷонӣ ба қайд гирифта нашудааст.
Ҷараёни корҳои барқарорсозӣ пурра зери назорати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон қарор дорад.
АКС аз бойгонӣ
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
