Кормандони МТС атрофи масъалаи дурнамои амнияти минтақавӣ ва ҷойгоҳи амнияти миллӣ таҳқиқот гузарониданд

Июль 24, 2020 11:10

ДУШАНБЕ, 24.07.2020. /АМИТ «Ховар»/. Таъмини амнияти иттилоотӣ, иҷтимоӣ, миллӣ ва минтақавӣ ҳамчун стратегияи рушди Ҷумҳурии Тоҷикистон,  ташаккули низоми миллии баҳогузории индикативии амнияти иқтисодии Ҷумҳурии Тоҷикистон аз мавзӯъҳое мебошанд, ки соли равон  кормандони Маркази тадқиқоти стратегии назди Президенти Ҷумҳурии Тоҷикистон доир ба онҳо корҳои илмию таҳқиқотӣ гузарониданд.

Директори Маркази тадқиқоти стратегии назди Президенти Ҷумҳурии Тоҷикистон Хуршед  Зиёӣ имрӯз дар ҷамъи хабарнигорон дар Душанбе гуфт, ки  тибқи нақшаи корҳои илмию тадқиқотӣ барои  соли равон  дар Марказ доир ба масъалаҳои  дурнамои амнияти минтақавӣ ва ҷойгоҳи амнияти миллӣ дар он, стратегияи сармоягузорӣ дар таъмини рушди мамлакат, омилҳои таъмини амнияти миллӣ дар равандҳои сиёсати дохилӣ ва дурнамои он, стратегияи идоракунии амнияти озуқавории Ҷумҳурии Тоҷикистон, Консепсияи сиёсати хориҷии Ҷумҳурии Тоҷикистон ва натиҷагириҳои миёндаврӣ аз татбиқи амалии он, Стратегияи рушди соҳибкорӣ–асоси фаъолияти босуботи иқтисодиёти кишвар ва самтҳои асосӣ (стратегӣ), вазифаҳо ва афзалиятҳои рушди амнияти иҷтимоии мамлакат барои солҳои 2021–2025 таҳқиқот гузаронида  мешавад.

Ҳамзамон зикр шуд, ки Марказ бо сабаби густариши пандемияи  COVID–19 чорабиниҳои илмию амалии худро пурра ва сари вақт гузаронида натавонист, танҳо дар  вебмашварати корӣ  доир  ба омодагӣ  ба баргузории нишасти сеюми форуми солонаи коршиносии Осиёи Марказӣ бахшида ба  солгарди қабули Қатъномаи Созмони Миллали Муттаҳид оид ба  «Таҳкими ҳамкории минтақавӣ ва байналмилалӣ ҷиҳати таъмини сулҳ, субот ва рушди устувор дар минтақаи Осиёи Марказӣ» ду маротиба ба таври онлайнӣ фаъолона ширкат варзид.  Аз ин рӯ,  дар назар аст, ки то охири соли ҷорӣ  на камтар аз 25 чорабинии илмию амалӣ баргузор гарданд.

Бо дахли  ҳамкории Марказ бо пажӯҳишгоҳҳои илмию тадқиқотии ҷаҳон Хуршед Зиёӣ афзуд, ки Марказ дар доираи созишномаҳои ҳукуматӣ бо созмонҳои байналмилалӣ, аз ҷумла,  намояндагиҳои Созмони Милали Муттаҳид, Созмони амният ва ҳамкорӣ дар Аврупо /САҲА/,   Созмони ҳамкории Шанхай /СҲШ/, Созмони  аҳдномаи амнияти дастаҷамъӣ /СААД/, Бонки ҷаҳонӣ, Хазинаи Байналмилалии Асъор, Созмони Олмонии Ҳамкории Байналмилалӣ, Маркази дипломатияи боздоранда (шаҳри Ашқобод) ҳамкориҳоро густариш дод. Зикр шуд, ки Марказ узви  Маркази  таҳлилии СААД, узви Форуми СҲШ ва яке аз муассисони  Академияи САҲА дар шаҳри Бишкек мебошад. Ҳамзамон Марказ бо як қатор марказҳои таҳлилии  давлатҳои хориҷӣ, назири марказҳои таҳлилии Федератсияи Россия, Қазоқистон, Чин, Афғонистон, Ҳиндустон, марказҳои тадқиқоти стратегии Ӯзбекистон, Қирғизистон, Озарбойҷон, Туркия, Латвия, Литва, Полша  робитаҳои  хуби корӣ дорад.

Маркази тадқиқоти стратегии назди Президенти Ҷумҳурии Тоҷикистон ба ҳайси яке аз марказҳои таҳлилӣ ва машваратии мамлакат бо мақсади амалишавии стратегияҳо ва барномаҳои давлатӣ, инчунин  такмили механизми сиёсати дохилию хориҷӣ ва сиёсати давлатии Пешвои миллат, Президенти Ҷумҳурии Тоҷикистон фаъолият  менамояд.

Июль 24, 2020 11:10

Хабарҳои дигари ин бахш

Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
Ташаккули дониши кӯдакон оид ба бехатарии ҳаракат дар роҳ дар конфронси байналмилалӣ баррасӣ мегардад
Дар Қазоқистон ҷаласаи роҳбарони мақомоти корҳои дохилии пойтахтҳои давлатҳои аъзои ИДМ доир шуд
Дар Гулистон Слёти III байнидавлатии нозирони навраси ҳаракати давлатҳои аъзои ИДМ доир мешавад
Котиби Шурои амнияти Ҷумҳурии Тоҷикистон бо Сафири Ҷумҳурии Исломии Покистон мулоқот намуд
Дар Панҷакент 24 кг маводи мухаддир мусодира карда шуд
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд