Пули мошингарди шаҳраки Ёвон мавриди баҳрабардорӣ қарор мегирад
ДУШАНБЕ, 09.07.2020 /АМИТ «Ховар»/. То ҷашни 29-солагии Истиқлолияти давлатии Ҷумҳурии Тоҷикистон пули мошингарди кӯчаи ба номи Расул Раҷабови шаҳраки Ёвон сохта мавриди истифода қарор мегирад. Дар ин бора аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд.
Ба иттилои манбаъ, боришоти бошиддати борону жола ва омадани селу лойиқа 25 апрели соли 2014 ба якчанд иншооти ҳаётан муҳими ноҳия хисорот расонида, пули мошингарди кӯчаи ба номи Расул Раҷабови шаҳраки Ёвонро ба куллӣ аз байн бурд ва дар ин мавзеъ гаштугузори нақлиёт ва пиёдагардон манъ гардида, барои сокинон ва меҳмонони ноҳия мушкилоти ҷиддӣ ба миён овард. Акнун пули мазкур пурра навсозӣ шуда, баъди ба истифода додани он мушкили мардум аз байн меравад.
Маблағи сохтмони пули мазкур 26 миллион сомониро ташкил дода, он бо ташаббуси мақомоти иҷроияи ҳокимияти давлатии ноҳия бо истифода аз маблағҳои буҷаи маҳал ва саҳми соҳибкорони саховатпешаи ноҳия бунёд мегардад. Иқтидори вазнбардории пул 80 тоннаро ташкил медиҳад.
Ёдовар мешавем, ки айни замон дар ноҳияи Ёвон сохтмони бинои маъмурии мақомоти иҷроияи ҳокимияти давлатии ноҳия, иншшоти ёрирасон барои меҳмонхона, дигар утоқҳои хизматӣ, маҷмааҳои Парчаму Нишони давлатӣ бо гулгашт босуръат идома дорад. Иншооти мазкур бо маблағи умумии 21 млн. сомонӣ аз ҳисоби буҷаи маҳал ва бо дастгирии соҳибкорони маҳаллӣ дар кӯчаи ба номи М. Турсунзодаи шаҳраки Ёвон сохта мешаванд.
Бинои маъмурии мақомоти иҷроияи ҳокимияти давлатии ноҳия аз таҳхона ва се ошёна иборат буда, бо тарҳи муосир ва намои миллӣ сохта мешавад.
Маҷмааҳои Парчам ва Нишони давлатии Ҷумҳурии Тоҷикистон дар рӯ ба рӯи бинои мақомоти иҷроияи ҳокимияти давлатии ноҳия бунёд мегардад. Тибқи лоиҳа баландаи пояи Парчам 50 метр, бари он 14 метр ва баландиаш 7 метрро ташкил медиҳад.
Баландии пояи Нишон 25 метр ба нақша гирифта шудааст.
Дар миёни маҷмааҳои болозикр муҷассамаи шоҳ Исмоили Сомонӣ бо 14 метр бунёд карда мешавад.
Дар атрофи маҷмааҳои муқаддасоти давлатӣ дар масоҳати 1,2 гектар гулгашт бунёд гардида, дар он фаввораҳо, нишастгоҳҳо ва роҳравҳои сафолакпӯшгардида ва дигар имкониятҳои фароғатӣ ҷойгир карда мешавад.
Дар вақти бунёди иншоотҳои мазкур 30 нафар сокинони маҳаллӣ бо ҷойи кори муваққатӣ таъмин хоҳанд гашт.
Президенти мамлакат Эмомалӣ Раҳмон бинои Шуъбаи минтақавии Раёсати Агентии назорати давлатии молиявӣ ва мубориза бо коррупсия дар водии Зарафшони вилояти Суғдро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳраки Саразми шаҳри Панҷакент Муассисаи таҳсилоти миёнаи умумии № 72-ро ифтитоҳ карданд
Дар Ишкошим 24 корманди давлатӣ соҳиби хона шуданд
Кумитаи андоз ба Муассисаи давлатии «Хона-интернати бемориҳои рӯҳии ноҳияи Восеъ» кумак расонид
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Бо кумаки соҳибкор Ҳикматулло Собиров 300 хоҷагии деҳаҳои Сабзазор ва Навбунёди Тоҷикобод бо оби нӯшокӣ таъмин гаштанд
Истиқболи Сарвари давлат Эмомалӣ Раҳмон дар фурудгоҳи шаҳри Панҷакент ва ба истифода додани Беморхонаи марказӣ
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкори маҳаллӣ ба беморхонаи марказии ноҳияи Темурмалик мошини ёрии таъҷилӣ туҳфа кард
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкор Бахтиёр Мансуров дар Исфара маҷмааи варзишӣ бунёд намуд
Инъикоси ҷашни 29-умин солгарди Истиқлолияти давлатии Тоҷикистон дар ВАО-и Миср
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: Дар Левакант Парчами давлатӣ бо баландии 41 метр сохта шуд
Табрикоти роҳбарони кишварҳои хориҷӣ ва шахсиятҳои маъруф ба Президенти Ҷумҳурии Тоҷикистон ба муносибати Рӯзи истиқлоли Ҷумҳурии Тоҷикистон
Нигина Ализода, муовини якуми Вазири адлия: «Санадҳои қабулгардида Тоҷикистонро ба ҷомеаи ҷаҳонӣ ҳамчун давлати соҳибистиқлол, ҳуқуқбунёд, демократӣ ва дунявӣ муаррифӣ намуданд»
