Аз 17 то 26 август дар Тоҷикистон амалиёти «Бачаҳо» мегузарад
ДУШАНБЕ, 15.08.2020 /АМИТ «Ховар»/. Вобаста ба оғоз гардидани соли хониши 2020-2021 аз 17 то 26 август дар қаламрави ҷумҳурӣ амалиёти «Бачаҳо» гузаронида мешавад. Дар ин бора аз маркази матбуоти Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Раёсати Бозрасии давлатии автомобилии ВКД амалиёти мазкурро бо мақсади пешгирии ҳодисаҳои роҳу нақлиёт бо иштироки кӯдакону наврасон, инчунин пешгирии қоидавайронкуниҳои ҳаракат дар роҳ ва тарғиби риояи талаботи Қоидаҳои ҳаракат дар роҳ мегузаронад.
Раёсати Бозрасии давлатии автомобилии ВКД аз ҳамаи ронандагони воситаҳои нақлиёт хоҳиш менамояд, ки талаботи Қоидаҳои ҳаракат дар роҳ, махсусан суръати муқарраршудаи ҳаракатро риоя намоянд.
Аз 17 августи соли равон дар ҳамаи мактабҳои таҳсилоти умумӣ дарс оғоз гардида, дар кӯчаву роҳҳо гаштугузори кӯдакону наврасон зиёд мегардад. Аз ин рӯ, ронандагон бояд аз ҳарвақта дида, ҳангоми ҳаракат эҳтиёткор бошанд.
Ҳамчунин аз падару модарон, омӯзгорони муассисаҳои таҳсилоти ҳамагонӣ ва мураббиёни муассисаҳои томактабӣ хоҳиш карда мешавад, ки ба кӯдакону наврасон қоидаҳои дурусти ҳаракат дар роҳро фаҳмонида, кӯдакону наврасонро дар роҳҳои мошингард беназорат нагузоранд, ҳаёт ва саломатии онҳоро ҳифз намоянд.
Акс аз бойгонӣ
«ОЛИҲАИ МЕҲР». Маҷмуа ба мақоми занони фаъоли тоҷик дар рушди ҷомеа бахшида шудааст
«Анор» сокинони Душанберо хушҳол намуд
Дар вилояти Суғд бо собиқадорони меҳнат вохӯрӣ баргузор шуд
ДАРАХТ БИШНОН! Дар шоҳроҳи Душанбе — Варзоб беш аз 500 бех ниҳоли санавбар шинонида шуд
Имрӯз дар ноҳияҳои кӯҳии Тоҷикистон барф меборад
Дар академияи зимистонаи «Ҳаво» масъалаҳои мутобиқшавӣ ба тағйирёбии иқлим баррасӣ шуданд
Дар шаҳри Ҳисор ба маъюбон аробачаи маъюбӣ дастрас карда шуд
Дар Душанбе дастовардҳои рушди соҳибкорӣ ва сармоягузорӣ баррасӣ гардиданд
Имрӯз дар Душанбе борон пешгӯӣ мешавад
Вобаста ба хатари терроризм ба низоми давлатдории муосир дар Вазорати мудофиаи Тоҷикистон ҳамоиш доир шуд
Дар Душанбе ҷаласаи сайёри Шурои ҷамъиятии Ҷумҳурии Тоҷикистон баргузор шуд
Имрӯз дар Тоҷикистон ҳаво тағйирёбанда шуда, борону барф меборад
