COVID-19. Гурӯҳи кории ҳукуматӣ таҳти роҳбарии Ширин Исматуллозода ба шаҳри Роғун ва навоҳии водии Рашт сафар анҷом дод
ДУШАНБЕ, 14.08.2020. /АМИТ «Ховар»/. Аз 11 то 14 август дар асоси дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва қарори дахлдори Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавируси COVID-19 гурӯҳи корӣ таҳти роҳбарии муовини Сарвазири мамлакат Ширин Исматуллозода бо мақсади шиносоӣ ва назорати масъалаҳои соҳаи тандурустӣ ва ҳифзи иҷтимоии аҳолӣ, инчунин таҳлили ҳолати воқеии пешгирӣ ва табобати беморони сирояти нави коронавирус ва дар ин замина гузаронидани корҳои фаҳмондидиҳӣ сафари худро дар шаҳри Роғун ва водии Рашт идома дод, хабар медиҳад АМИТ «Ховар».
Аз ҷумла, гурӯҳи корӣ ба шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш сафар карда, аз вазъи соҳаи тандурустӣ, алалхусус аз рафти фаъолияти самараноки беморхонаҳо ва муассисаҳои КАТС ва омодабошии муассисаҳои таълимӣ ба соли нави хониш дидан намуд.
Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.
Дар кӯчаву бозорҳо сокинон бениқоб гашту гузор мекунанд, дар муассисаҳои таълимӣ захираи маводи антисептикӣ, ниқоб, варақаҳои тарғиботиву ташвиқотӣ ҷиҳати пешгирии беморӣ кам ба назар мерасанд.
Муовини Сарвазири мамлакат Ширин Исматуллозода зимни суҳбату вохӯриҳо дар шаҳру навоҳии мазкур оид ба тадбирҳои роҳандозишуда аз ҷониби роҳбарияти давлату Хукумати мамлакат, бахусус Пешвои миллат муҳтарам Эмомалӣ Раҳмон оид ба пешгирӣ аз паҳншавии бемории COVID-19 ибрози андеша намуда, аз ҷумла зикр кард, ки чораҳои амалишуда дар ин самт имкон доданд, ки паҳншавии вирус ва гузариши он ба пандемия дар Тоҷикистон пешгирӣ карда шавад.
«Агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд», — изҳори итминон намуд Ш. Исматуллозода зимни суҳбату вохӯриҳо дар шаҳру навоҳии болозикр.
Дар ин робита, аз ҷониби муовини Сарвазири мамлакат ба масъулин супориш дода шуд, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.
Инчунин дастур дода шуд, ки аз ҳисоби кормандони миёнаи тиб дар мактабҳо навбатдориҳо ташкил карда, ҳар як омӯзгор вазифадор карда шавад, ки 2-3 дақиқаи дарсро ба фаҳмондадиҳӣ ҷиҳати риояи қоидаҳои бехдоштӣ бахшад ва кормандони марказҳои саломати гардиши хонаҳоро барои дарёфти ҳолатҳои гумонбар пурзӯр кунанд.
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
