COVID-19. Масъалаи омодагии муассисаҳои таълимӣ ба соли нави хониш дар ҷаласаи имрӯзаи Ситоди ҷумҳуриявӣ баррасӣ гардид
ДУШАНБЕ, 05.08.2020. /АМИТ «Ховар»/. Имрӯз таҳти раёсати Сарвазири Ҷумҳурии Тоҷикистон Қоҳир Расулзода ҷаласаи навбатии Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 баргузор гардид, хабар медиҳад АМИТ «Ховар».
Дар ҷаласа вазъи имрӯза, тадбирҳои омодабошӣ ҷиҳати ташхис ва муолиҷаи беморон, захира ва нигоҳдории маводи доруворию маҳлулҳои безараргардонӣ, тайёр намудани мутахассисони соҳаи тиб, омода сохтани муассисаҳои таълимӣ ба соли нави хониши 2020-2021, ки аз 17 августи соли 2020 оғоз мегардад, пурзӯр кардани тадбирҳо ҷиҳати баланд бардоштани сатҳи хизматрасонии тиббӣ, ҳамкории мутақобилаи сохторҳои аъзои ситод, баргардонидани шаҳрвандони Ҷумҳурии Тоҷикистон аз кишварҳои хориҷӣ ва дигар масъалаҳои мубрами рӯз мавриди таҳлилу баррасӣ қарор дода шуданд.
Таъкид гардид, ки дар баъзе аз кишварҳои ҷаҳон мавҷи дуюми бемории сироятии COVID-19 ба қайд гирифта шудааст ва мутахассисони соҳаи тиб сабаби хуруҷи навбатиро дар омилҳои гуногун, аз ҷумла беэътиноии аҳолӣ ба қоидаҳои беҳдоштии шахсӣ ва ҷамъиятӣ, аз қабили истифодаи ниқоб ва рияи ҳатмии фосилаи иҷтимоӣ арзёбӣ мекунанд.
Зикр карда шуд, ки, мутаасифона, вақтҳои охир дар қаламрави Ҷумҳурии Тоҷикистон низ сокинон ба риояи ин қоидаҳо бепарвоӣ зоҳир мекунанд, ки ин барои пешгирии бемории сироятии COVID-19 халал ворид карда, имкони паҳн гаштани ин вирусро ба миён меорад.
Вобаста ба ин Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 оид ба ҷоннок намудани фаъолияти вазорату идораҳои дахлдор дар самти назорати риояи қоидаҳои беҳдоштии шахсӣ ва ҷамъиятӣ аз ҷониби сокинон, назорати марказҳои хизматрасонӣ, таҳти назорати муовини Сарвазири Ҷумҳурии Тоҷикистон таъсис додани Комиссияи кории байниидоравӣ бо мақсади муайян намудани ҳолати омодагии муассисаҳои таълимӣ ба соли нави таҳсили 2020-2021, андешидани чораҳои қатъии пешгирикунанда ва зиддиэпидемикӣ, таъмини иҷрои саривақтии чорабиниҳои беҳдоштӣ, Дастури тавсиявӣ “Оид ба ташкили кори муассисаҳои таълимӣ дар шароити боқӣ мондани хатари паҳншавии COVID-19” ва “Талабот оид ба тартиби истифодабарии ниқоб”, таҳия намудани барномаи таълимии муассисаҳои таҳсилоти томактабӣ, таҳсилоти умумӣ, таҳсилоти ибтидоии касбӣ, таҳсилоти миёна ва олии касбӣ, инчунин баъдидипломиро барои ду ҳафта, яъне аз 17 август то 1 сентябр доир ба мавзӯъҳои азхуднашудаи соли таҳсили 2019-2020, риояи қоидаҳои пешгирикунанда ва зиддиэпидемикӣ ҳангоми гузаронидани тӯю маракаҳо ва маросими дафн, ҳамчунин бо мақсади пешгирии паҳншавии коронавируси COVID -19 роҳандозӣ намудани чораҳои зарурӣ ҳангоми амалӣ намудани парвозҳои байналмилалӣ қарорҳои дахлдор қабул намуд.
АКС аз бойгонӣ
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
