Дар Ҷамоати деҳоти «Қаратоғ» амалиёти «Тозагии маҳал» гузаронида шуд
ДУШАНБЕ, 18.08.2020 /АМИТ «Ховар»/. Дар Ҷамоати деҳоти «Қаратоғ»-и шаҳри Турсунзода амалиёти «Тозагии маҳал» ва «Тозагии роҳ» гузаронида шуд. Он дар доираи нақшаи чорабиниҳои мақомоти иҷроияи ҳокимияти давлатии шаҳри Турсунзода ба истиқболи таҷлили сазовори ҷашни 29-умин солгарди Истиқлолияти давлатии Ҷумҳурии Тоҷикистон амалӣ шуда, ҳадаф аз он доир намудани корҳои тозагию ободонӣ, бахусус озодагии муҳити зист дар ҷамоатҳои деҳоти шаҳри Турсунзода мебошад.
Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки дар амалиёти «Тозагии маҳал» ва «Тозагии роҳ» беш аз 800 нафар сокинони маҳал, намояндагони корхонаю муассисаҳо иштирок намуда, дар тоза намудани шафати шоҳроҳи Душанбе-Турсунзода саҳм гузоштанд. Зимни амалиёт сокинон алафҳои худрӯй ва хасу хошокро бартараф намуда, шоху навдаи дарахтонро ба тартиб дароварданд.
Ҳамзамон сокинони маҳал дар ин рӯз ҷӯйҳои байнидеҳавию байнихоҷагиро тоза ва ба тартиб дароварданд. Дар маҷмӯъ зимни гузаронидани амалиёти «Тозагии маҳал» ва «Тозагии роҳ» 3 км роҳ тоза гардида, 12 куб партовҳо ба партовгоҳи асосӣ интиқол дода шуданд.
Бо мақсади таҷлили сазовори ҷашни миллӣ чунин амалиёти тозагӣ дар дигар ҷамоатҳои деҳоти шаҳри Турсунзода низ гузаронида мешаванд.
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
