Дар низоми бонкии Тоҷикистон 6 ҳазору 175 нафар ё 36 фоизи кормандонро бонувон ташкил медиҳанд

Август 4, 2020 13:42

ДУШАНБЕ, 04.08.2020 /АМИТ «Ховар»/. 10 майи соли 2019  зимни мулоқоти Президенти Ҷумҳурии Тоҷикистон муҳтарам Эмомалӣ Раҳмон бо кормандони мақомоти молия, андоз, гумрук, сармоягузорӣ ва бонкҳои мамлакат Пешвои миллат пешниҳод намуда буданд, ки дар воҳидҳои сохтории низоми  бонкии мамлакат сафи занону духтарон зиёд карда шавад. Дар ин замина дар низоми бонкии Тоҷикистон сол то сол  шумораи кормандон аз ҳисоби бонувон  меафзояд. Аз 17 ҳазору 393 нафар кормандони низоми бонкӣ дар Тоҷикистон 6 ҳазору 175 нафар ё 36 фоизро бонувон ташкил медиҳанд, ки ин омор нисбат ба ҳамин давраи соли равон 444 нафар зиёд мебошад.

Тавре аз Бонки миллии Тоҷикистон ба АМИТ «Ховар» хабар доданд, аз шумораи умумии заноне, ки дар низоми бонкии мамлакат фаъолият доранд, 3 ҳазору  187 нафарро занон–кормандоне, ки масъулияти  моддӣ доранд, ташкил медиҳанд. Инчунин 633 нафар бонувони низоми бонкии мамлакат дар бахши роҳбарикунанда фаъолият доранд, ки ин ба 21,1 фоизи шумораи умумии вазифаҳои роҳбарикунанда баробар аст.

Бонки миллии Тоҷикистон ба масъалаи ҷалби бештари занону духтарон ба кор дар муассисаҳои низоми бонкӣ ва ба вазифаҳои роҳбарикунанда пешбарӣ кардани онҳо таваҷҷуҳи махсус дода, ҷиҳати таъмини иҷрои «Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022» пайваста тадбирҳои зарурӣ меандешад.

Инчунин аз ҷониби низоми бонкии мамлакат мутобиқи дастуру супоришҳои Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон баҳри рушди иқтисодиёт ва пешрафти соҳаи бонкдорӣ тадбирҳо андешида мешаванд, ки дар иҷрои онҳо саҳми бонувон шоиста аст.

Август 4, 2020 13:42

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Дар «Амонатбонк» Наврӯзро бо баргузории ҳамоиши идона таҷлил намуданд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
ҚУРБИ АСЪОР: дар Тоҷикистон 1 рубли русӣ аз 0. 1187 то 0.1190 сомонӣ муқаррар шудааст
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
ҚУРБИ АСЪОР: дар Тоҷикистон 1 доллари ИМА аз 10.9546 то 10.9800 сомонӣ муқаррар шудааст
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад