Донишгоҳи давлатии ҳуқуқ, бизнес ва сиёсати Тоҷикистон имсол шаҳрвандони хориҷиро барои таҳсил тариқи онлайн қабул менамояд

Август 6, 2020 15:42

 ХУҶАНД, 06.08.2020. /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон беш аз 7000 донишҷӯ таҳсил доранд, ки  330 нафарашро шаҳрвандони ҷумҳуриҳои ҳамсоя ташкил медиҳанд. Раёсати донишгоҳ дар пайи пандемияи коронавирус ва доман паҳн кардани мавҷи дуюми он тасмим дорад, ки дар соли хониши 2020-2021 шаҳрвандони хориҷиро барои таҳсил тариқи онлайн низ қабул намояд. Дар ин бора ба хабарнигори АМИТ «Ховар» ректори донишгоҳи мазкур Муъмин Шарифзода иттилоъ дод.

Зикр шуд, ки ба истиқболи 30-солагии Истиқлолияти давлатии Ҷумҳурии Тоҷикистон дар Донишгоҳи давлатии ҳуқуқ, бизнес ва сиёсати Тоҷикистон як зумра иншооти муҳим бунёд ва мавриди истифода қарор дода мешаванд.  Аз ҷумла, баҳри фароҳамоварии шароити мусоиди таълиму фароғат барои омӯзгорон сохтмони бинои истиқоматии даҳошёна ва барои муҳассилин бинои иловагии таълимӣ, хобгоҳ, варзишгоҳ ва маҷлисгоҳ дар назар аст.

То имрӯз ба ифтихори ин санаи хотирмон бо иштироки ҷомеаи меҳнатии муассиса дар доираи амалҳои созандагиву ободонӣ дар донишгоҳ азнавсозии даромадгоҳи бинои асосӣ, сафолакпўш кардани роҳравҳо, сабзазоркунии атрофи биноҳои таълимии донишгоҳ ва майдонҳо, шинонидани дарахтони мевадиҳандаю ҳамешасабз ва гулҳои ороишӣ ба анҷом расонида шудаанд, ки далели омодагии ҷиддии  ҷомеаи меҳнатии донишгоҳ ба истиқболи шоистаи ин ҷашни бузурги миллӣ мебошад.

Вобаста ба омодагиҳо ба соли хониши нав зикр гардид, ки яке аз падидаҳои соли таҳсили нав он аст, ки имсол дар раванди ташкили чанд ихтисоси нав, чун соҳибкории иҷтимоӣ, иқтисодиёти рақамӣ, информатика, инчунин дар донишгоҳ қабул аз рӯи 6 ихтисоси омӯзгорӣ, чун омӯзгори асосҳои давлат ва ҳуқуқ, математика ва информатика, забони англисӣ, назарияи иқтисодиёт ва диншиносӣ ба роҳ монда шудааст. Минбаъд донишҷӯён пас аз хатми ин   ихтисосҳо метавонанд дар мактабҳои оливу миёна низ фаъолият намоянд.

Бахшида ба Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар соли таҳсили 2020 -2021 дар донишгоҳ роҳандозии 11 ихтисоси нав дар назар дошта шуда,  имсол дар донишгоҳ қабули довталабон аз рӯи 39 ихтисос ба роҳ монда мешавад.

Доир ба робитаи бурунмарзии донишгоҳ ва таҳсили муҳассилин аз давлатҳои хориҷӣ зикр гардид, ки имрӯз донишгоҳ бо беш аз 50 донишгоҳу муассисаҳои илмӣ-тадқиқотӣ, таълимӣ ва фарҳангии хориҷӣ созишномаи ҳамкории судманд дорад.

Август 6, 2020 15:42

Хабарҳои дигари ин бахш

«Пайравони Камолиддини Беҳзод. Миниатюраи тоҷик». Таҳти чунин унвон дар Осорхонаи миллии Тоҷикистон намоиш ифтитоҳ гардид
«Эҳёи ҳофизаи таърих. Аз ҷонбозиҳои устод Айниву аллома Ғафуров то шоҳкориҳои Пешвои миллат», — шарҳи матбуоти даврии Тоҷикистон
«БОМИ ҶАҲОН». Дар Хоруғ Фестивали 15-уми байналмилалии фарҳангӣ ва сайёҳӣ доир мегардад
«МАН БА САФАР МЕБАРОЯМ!». Манижа Сангин дар Душанбе консерти калон барпо мекунад
ДАРГУЗАШТИ ШОИРИ ШАҲИР ҲУШАНГ СОЯ. Абдулҳамид Самад ӯро аз намояндагони насли шоирони номвари дунёи форсизабон хонд
Дар Узбекистон барои ташкили шабакаи иҷтимоии миллӣ озмун эълон гардид
«ТОҶИКИСТОН-ВАТАНИ АЗИЗИ МАН». 57 нафар довталабон аз Суғд дар даври ниҳоии озмуни ҷумҳуриявӣ иштирок мекунанд
«ТОҶИКИСТОН — ВАТАНИ АЗИЗИ МАН». Дар шаҳри Хоруғ даври вилоятии озмун оғоз ёфт
Дар Самарқанд Симпозиуми байналмилалии ҳайкалтарошӣ бо иштироки ҳунармандони кишварҳои узви Созмони ҳамкории Шанхай оғоз ёфт
Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид
Дар Малайзия ҷомаи нодири таърихии Суғд, ки таърихи 1311-сола дорад, нигоҳдорӣ мешавад
Дар рӯзҳои таҷлили 31-солагии Истиқлолияти давлатӣ барномаҳои фарҳангӣ-фароғатии сиркӣ пешниҳод мегарданд

Маводҳои таҳлилӣ