Коршиноси СУТ: Камтар аз 10% одамон мубталои COVID-19 шудаанд

Август 4, 2020 10:50

ДУШАНБЕ, 04.08.2020. /АМИТ «Ховар/. Танҳо ҳудуди 10% одамон  мубталои уфунати вобаста ба коронавируси нав шудаанд. Дар ин бора коршиноси Созмони умумиҷаҳонии тандурустӣ (СУТ) Мария ван Керкхове зимни брифинг эълом намуд, иттилоъ медиҳад АМИТ «Ховар» бо истинод ба хадамоти матбуоти ин созмон.

Ба гуфтаи ӯ, ҳоло дар мавзӯи суботнокӣ дар муқобили COVID-19 таҳқиқоти зиёд гузаронида шуда, дар саросари ҷаҳон гузоришҳо нашр мегарданд, ки СУТ онҳоро бодиққат мутолиа менамояд. «Аксари таҳқиқот нишон медиҳанд, ки камтар аз 10% одамон мубтало мебошанд, яъне онҳо дар кадом лаҳзае сироят ёфтаанд», — зикр намуд коршинос. — Кормандони соҳаи тиб бештар ба ин  хатари гирифторанд ва бинобар ин нишондодҳои сироятёбӣ дар байни ин категория баландтар мебошанд.»

Мария ван Керкхове инчунин гуфт, ки ҳолати  воқеии фавт ҳангоми сироятёбӣ COVID-19 метавонад нисбат ба омори расмӣ камтар ва дар сатҳи 0.6% бошад. Вай шарҳ дод, ки чунин зарибро ҳангоми ба ҳисоб гирифтани ҳолатҳои сабтшуда ва сабтнашудаи сироятёбӣ  истифода намудан мумкин аст.

«Агар дар бораи фавт сухан гӯем, пас чанд роҳи муайян кардани     ҳисоби он вуҷуд дорад,-гуфт вай. — Аз ҳама содатарин —  ин муқоиса намудани шумораи фавтидагон бо шумораи сироятёфтагони сабтшуда мебошад.» Мувофиқи маълумоти Донишгоҳи амрикоии Ҷонс Хопкинс, то имрӯз дар ҷаҳон шумораи ҳолатҳои сироятёбӣ бо COVID-19 аз марзи 18 миллион гузаштааст, беш аз 690 ҳазор тан бар асари мушкилоти вобаста ба уфунат ҷон бохтаанд. Мутаносибан, ҳисоби маргу мир дар чунин ҳолат 3,8 фоизро ташкил хоҳад кард.

«Вале дар айни замон қисми зиёди коршиносон зариби маргу мирро мутолиа ва теъдоди фавтҳоро, аз ҷумла аз ҳисоби тамоми одамони сироятёфта ба инобат мегиранд», — гуфт Мария ван Керкхове. Ба гуфтаи вай, ин нишондиҳанда дар сатҳи  1% аст ва дар чанд таҳқиқоти дигар сухан сари 0.6% меравад.

Коршинос зикр кард, ки ин рақам чандон таҳдидовар нест, аммо дар асл барои вирусе, ки сатҳи баланди паҳншавӣ дорад, хеле калон аст. «Аз ин рӯ, саъю кӯшиш асосан бояд ба кори пешгирии ҳолатҳои эҳтимолии сироятёбӣ мута0марказ карда шавад — гуфт ӯ. – Дар ин ҳолат  муҳим ин аст, ки агар шумо сироят ёфта бошед, на танҳо худро, балки дигаронро низ муҳофизат кунед. Одамоне, ки мушкилоти саломатӣ доранд, аз фарбеҳӣ, бемориҳои дилу рагҳо ва роҳҳои нафаскашӣ азият мекашанд, ба гурӯҳи осебпазир шомил мебошанд».

Хуруҷи бемории вобаста ба коронавируси нав охири соли 2019 дар Чини Марказӣ сабт шуда, сипас ба аксари кишварҳо паҳн гардид ва 11 март СУТ онро ҳамчун пандемия эътироф намуд.

АКС: https://edition.cnn.com/

Август 4, 2020 10:50

Хабарҳои дигари ин бахш

Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд