Татбиқи лоиҳаи дуюми кумакпулии ҳармоҳа ба ятимон аз ҷониби Ҷамъияти Ҳилоли Аҳмари Тоҷикистон шуруъ гардид
ДУШАНБЕ, 04.08.2020. /АМИТ «Ховар»/. Аз ҷониби Ҷамъияти Ҳилоли Аҳмари Тоҷикистон дар мувофиқа бо мақомоти иҷроияи ҳокимияти давлатии шаҳри Душанбе нисбат ба 643 нафар кўдакони ятим кумакпулӣ таъйин карда шудааст. Дар ин бора ба АМИТ «Ховар» аз маркази иттилоотии ҷамъияти мазкур хабар доданд.
Мувофиқи созишномаи ҳамкорӣ байни Ҷамъияти Ҳилоли Аҳмари Тоҷикистон ва Ҷамъияти Ҳилоли Аҳмари Амороти Муттаҳидаи Араб нисбат ба як нафар ятим дар як моҳ 180 дирҳами Амороти Муттаҳидаи Араб бо дарназардошти қурби асъори миллӣ дар рўзи пардохт кумакпулӣ (аз рӯи қурби асъори миллӣ ба санаи 3 августи соли 2020 505,24 (панҷсаду панҷ сомониву бисту чор дирам) муқаррар карда шудааст.
«Тибқи созишномаи байни ҷонибҳо баимзорасида 643 нафар кўдакони ятими шаҳри Душанбе, ки дар тарбияи хешовандони наздик қарор доранд, бо назардошти шароити моддии онҳо ба ин лоиҳа фаро гирифта шуданд. Маблағи кумакпулӣ тавассути Бонки давлатии амонатгузории Ҷумҳурии Тоҷикистон «Амонатбонк» ба суратҳисоби ятимон интиқол дода мешавад», — иброз доштанд масъулини лоиҳа.
Мавриди ёдоварист, ки аз моҳи июни соли равон аз тарафи Ҷамъияти Ҳилоли Аҳмари Тоҷикистон дар ҳамкорӣ бо шарикони рушд фаъолияти чунин лоиҳаи сарпарастии ятимон ба роҳ монда шудааст. Дар он 500 нафар ятимон аз 16 шаҳру ноҳияҳои вилояти Хатлон фаро гирифта шуда, мувофиқи он барои як нафар ятим дар як моҳ 100 доллари ИМА (1 доллари ИМА — 10.3112 сомонӣ барои 04.08.2020) пешбинӣ карда шудааст.
Дар маҷмўъ тибқи лоиҳаҳои дар Ҷамъияти Ҳилоли Аҳмари Тоҷикистон оид ба сарпарастии ятимон амалкунанда нисбат ба 1143 нафар ятимон кумакпулии ҳармоҳа пешбинӣ гардидааст.
«Ҷамъияти Ҳилоли Аҳмари Тоҷикистон ҷиҳати татбиқи сиёсати Ҳукумати Ҷумҳурии Тоҷикистон вобаста ба дастгирии ятимону маъюбон, шахсони бемору барҷомонда ва оилаҳои камбизоат пайваста тадбирҳои зарурӣ андешида, кўшиш менамояд, ки дар ҳалли масъалаҳои иҷтимоии шаҳрвандони мамлакат саҳмгузор бошад», — таъкид намуд манбаъ.
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
