Муовини Сарвазири мамлакат Ширин Исматуллозода дар ноҳияи Хуросон бо мардуми аз офатии табиӣ зарардида мулоқот намуд
ДУШАНБЕ, 10.08.2020. /АМИТ «Ховар»/. Дар доираи сафари корӣ ба вилояти Хатлон муовини Сарвазири мамлакат Ширин Исматуллозода 9 август бо ҳамроҳии Раиси вилояти Хатлон Қурбон Ҳакимзода ба деҳаи Чорбоғи ноҳияи Хуросон рафта, бо мардуми аз офати табиӣ зарардида дидору мулоқот анҷом дод.
Ширин Исматуллозода бо ҳайати ҳамроҳонаш ба манзили зисти Раҷабалӣ Ғуломов рафта, бо вазъи зиндагии ин оила шинос шуд.
Раҷабалӣ Ғуломов изҳор дошт, ки баъди зери лой мондани манзилаш Ҳукумати ҷумҳурӣ зери роҳбарии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон барои сохтмони манзили зисташ дар мавзеи бехавф ёрӣ расонданд. «Ман аз номи аҳли оила ва аҳли деҳа ба Ҷаноби Олӣ барои ғамхорию дастгириашон изҳори сипос мекунам, ки дар чунин рӯзҳои вазнинамон дар фикри мо буданд. Ин ғамхории онҳо буд, ки мо дар як мудати кӯтоҳ соҳиби манзилҳои барҳаво гардидем», — иброз дошт Р. Ғуломов.
Муовини Сарвазири мамлакат дар ин сафар ҳамчунин аз ҷараёни сохтмони бунгоҳи тиббӣ дидан намуда, бо масъулин мулоқот анҷом дод.
Иттилоъ дода шуд, ки то 9 август аллакай дар 53 хона мардум зиндагӣ дошта, аксари дигари хонаҳо дар арафаи анҷомёбӣ қарор доранд.
Сафари кории муовини Сарвазири мамлакат Ширин Исматуллозода дар ноҳияи Абдураҳмони Ҷомӣ идома ёфт. Дар ин ноҳия Ширин Исматуллозода аз шуъбаи бемориҳои сил, шуъбаи кӯдаконаи
Беморхонаи марказии ноҳия дидан карда, бо беморон ва ҳайати кормандони беморхона, раисони ҷамоатҳо ва кормандони ҳифзи ҳуқуқ суҳбат орост.
Дар ноҳияи Ёвон муовини Сарвазири мамлакат аз шуъбаҳои ҷарроҳӣ, таваллуд ва чанд шуъбаҳои дигари муассисаҳои тандурустӣ дидан намуда, бо беморон ва кормандони соҳаи тиб мулоқот намуд.
Акс аз бойгонӣ
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
