СУТ хабар медиҳад, ки 172 кишвар дар коркарди ваксинаҳои зидди коронавирус ҳамкорӣ мекунанд
ДУШАНБЕ, 25.08.2020 /АМИТ «Ховар»/. Як саду ҳафтоду ду кишвар ба механизми байналмилалии COVAX пайвастанд, ки ҳадафи он таъмини одилонаи ҳамаи кишварҳо бо ваксинаҳои зидди коронавирус, вақте ки ин дору пайдо мешавад, мебошад. Тавре ки АМИТ «Ховар» бо истинод ба Хадамоти ахбори СММ хабар медиҳад, директори генералии Созмони умумиҷаҳонии тандурустӣ (СУТ) Тедрос Аданом Гебрейесус рӯзи душанбе, 24 август дар брифинг дар Женева дар ин хусус иттилоъ додааст.
Вай дар мавриди ирсоли номаҳо дар ҳафтаи гузашта ба ҳамаи кишварҳо ёдовар шуд, ки зимни онҳо дархост шудааст дар ҳамкорӣ барои зудтар коркард намудани воситаҳои зидди коронавирус шарик шаванд. «То имрӯз 172 кишвар дар механизми ҷаҳонии COVAX иштирок мекунанд», — гуфтааст директори генералӣ. Ба гуфтаи вай, ҳоло «маҷмӯан нуҳ ваксина коркард шудааст.» «Мо бо тамоми истеҳсолкунандагони ваксинаҳо ҳамкорӣ мекунем, то ин ки ҳамаи кишварҳое, ки сари вақт ба ин кӯшишҳо мепайванданд, дастрасии одилона ба тамоми ваксинаҳои дорои иҷозатнома ва тасдиқшуда дошта бошанд», — таъкид кард роҳбари СУТ.
Директори генералӣ зикр кард, ки иштироки кишварҳо дар механизми ҷаҳонии COVAX имкон медиҳад нархи ваксинаҳо дар ҳудуди поини эҳтимолӣ нигоҳ дошта шавад. Агар танҳо шумораи ками кишварҳо ваксинаҳоро содир кунанд, пас пандемия тӯлонитар хоҳад шуд. Ӯ ҳушдор дод ва илова кард, ки «миллатгароӣ дар соҳаи ваксина танҳо ба вирус кумак мекунад.»
Тедрос Аданом Гебрейесус ба ин назар аст, ки дар марҳилаи аввали эмкунӣ, ки ҳанӯз таъминоти ваксина маҳдуд хоҳад буд, «муҳим ин аст, ки ҳамаи онҳое, ки зери хатари баланд қарор доранд, бо ваксинаҳо таъмин карда шаванд».
Дар ин робита ӯ кормандони соҳаи тибро дар ҷойи аввал гузошт ва тавзеҳ дод, ки онҳо «дар сафи пеши ҷабҳаи мубориза алайҳи пандемия қарор доранд.» Сардори СУТ бар ин ақида аст, ки ҳангоми эмкунӣ шахсони 65-сола ва калонтар, инчунин касони гирифтори бемориҳое, ки ҳангоми ба бемории COVID-19 мубтало шудан хатари маргро зиёд мекунанд, бояд афзалият дошта бошанд.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
