Тафсири Кодекси гумруки Ҷумҳурии Тоҷикистон ба нашр мерасад
ДУШАНБЕ, 14.08.2020 /АМИТ «Ховар»/. Интизор меравад, ки ояндаи наздик тафсири Кодекси гумруки Ҷумҳурии Тоҷикистон ба нашр расида, пешкаши хонандагон гардонида шавад. Бо мақсади таҳияи тафсири Кодекси мазкур дар назди Хадамоти гумрук дар ҳамкорӣ бо муассисаҳои илмӣ ва таҳсилоти олии мамлакат гурӯҳи корӣ таъсис ёфтааст, ки ба он олимону мутахассисон шомил мебошанд. Дар ҷаласаҳои гурӯҳи корӣ лоиҳаи тафсири Кодекси гумрук пурра мавриди таҳрир ва ягонасозии сабку услуб қарор гирифт. Дар ин хусус аз Хадамоти гумруки Ҷумҳурии Тоҷикистон ба хабарнигори АМИТ «Ховар» иттилоъ доданд.
Тафсир имкон медиҳад, ки татбиқи меъёрҳои он аз ҷониби шахсони мансабдори мақомоти гумрук сари вақт ва дуруст ба роҳ монда шуда, дастрасии иштирокчиёни фаъолияти иқтисодии хориҷӣ ба маълумоти марбут ба расмиёти гумрукӣ васеъ гардида, мазмуни меъёрҳои Кодекс возеҳу равшан гардад.
Ҳамчунин тафсири Кодекси гумрук метавонад ба раванди тадрису омӯзиши муассири кори соҳаи мазкур дар муассисаҳои таҳсилоти олии мамлакат мусоидат намояд.
Бояд тазаккур дод, ки Кодекси гумрук аз 62 боб ва 508 модда иборат буда, асосҳои ҳуқуқӣ, иқтисодӣ ва ташкилии фаъолияти гумрукро муайян менамояд. Он ба ҳимояи истиқлолият ва амнияти иқтисодии Ҷумҳурии Тоҷикистон, фаъол сохтани муносибатҳои иқтисодии Тоҷикистон дар низоми муносибатҳои иқтисодии ҷаҳонӣ, таъмини ҳимояи ҳуқуқи шаҳрвандон, субъектҳои хоҷагидорию мақомоти давлатӣ ва аз ҷониби онҳо риоя намудани уҳдадориҳо дар соҳаи фаъолияти гумрукӣ нигаронида шудааст.
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
